Honorabel lidernan di Caricom,
Nos a tuma nota di e deklarashon informativo importante di Kas Blanku di 10 Juni 2022 menshonando e desafionan prosedente di Covid 19, desasternan natural pa motibu di kambio di klima ku e deklarashon final…”ku Estados Unidos I Caricom ta reafirma nan kompromiso pa promove I defende demokrasia I estado di derecho, proteha den e Karta di Demokrasia Inter-Amerikano”
Ku es karta aki dirigi na e lidernan di Caricom I na presidente di Estados Unidos , Sr Biden , I na vise-presidenta Sra Harris, nos kier a agrega ku e isla chiki Karibense Bonaire, ku nos tabata viktima di un aneksashon illegal I eliminashon di nos demokrasia I a wordu debolbe na un era di no-demokrasia na momento ku Antia Hulandes a wordu disolve riba 10 Oktober 2010.
Un tema kritiko I importante durante di e kumbre aki tabata “demokrasia” , kaminda Cuba I Venezuela ( Bonaire ku ta 50 miya for di kosta di Venezuela) su demokrasia tabata e punto sentral di diskushon. Nos kier a agrega nos situashon, ku a wordu impone den un estado di no-demokrasia – kaminda nos pueblo ta wordu goberna den un estado kontra di su deseo ku nan a rechaza demokratikamente I legalmente despues di e aneksashon di 10 oktober 2010, I ku nos a wordu ankra bao di derechonan desigual den Konstitushon Hulandes na Oktober 2017.
Nos ta urgi Caricom pa diskuti nos isla Bonaire komo kaso individual pasobra e ta di major urgensia debi ku esaki a kondusi na hopi violashonan di outodeterminashon, derechonan humano, I eradikashon di e nativonan di Bonaire, deklara pa Nashonan Uni I Komunidat Internashonal komo krimen kontra humanidat:
Habrimentu di frontera pa Hulandes Oropeo ku a duplika e poblashon den un decada, redusiendo e nativonan na menos ku 40% komo minoria riba nan mes isla
Retrose maneho I leynan, negando nos yunan derecho humano di edukashon den nan idioma materno nativo Papiamento
Remplazando I kambiando nos demografia, kitando tur protekshonan di merkado-chiki pa merkado liber I prijs liber, eliminando tur nos negoshinan lokal I remplazando nan ku hulandes oropeo I otronan
Degrada I remplaza tur nos hefenan lokal di departamento ku imigrantenan hulandes ku ta tuma tur institushonan lokal I posishonan di liderazgo
Aumenta I impone impuestonan na nivel di Hulanda na Oropa, mientras ku nos entrada ta menos ku mitar di entrada na Hulanda Oropa – impuesto di tereno I propiedat hisa te mas ku 800% deprivando lokalnan di nan terenonan hereda I rekursonan di kuminda
Kreando I manteniendo in-igualdat sosial, pushando mas ku 60% di e populashon bao di linja di pobresa
Nos Bonerianonan, ku ta riba riba un kaminda inevitabel pa disaparese komo pueblo Karibenjo, no ta keda nos niun otro posibilidat di apela riba apoyo I solidaridat di boso komo lidernan di Caricom na e momento kritiko aki di nos historia, ya ku e kumbre a hanja atenshon mundial spesialmente riba e tema di “demokrasia”. Esaki ta hopi spesial pasobra ku “nos nashonan ta uni pa balornan komparti, kultura, historia I lazonan familiar” manera ku bosnan a reafirma boso kompromiso pa promove I defende demokrasia y estado di derecho. Ademas, ku boso lo traha ku sosiedat sivil I sektor priva pa garantiza ku demokrasia kumpli ku tur nos pueblonan I pa konstrui sosiedatnan seguro, inklusivo, prospero, equitativa I resiliente na klima.
Pa substansia tur e violashonan ariba menshona I negashon di nos derechonan di outodeterminashon, demokratiko, sosial, politiko, kutural I humano nos a enkarga I finaliza resientemente un investihashon independiente rekonose pa Nashonan Uni: “Investigashon di propio-gobernashon den konformidat ku standartnan rekonosé internashonalmente : pais Bonaire” I un raportahe di video ku nos lo kier difundi bao di e lidernan di Caricom
Nos ta yama danki pa e tempu tuma pa lesa nos nota – Nos sa ku e ta kontene hopi informashon, pues no duda pa komunika si tin kualke pregunta.
