No ta for di awo e situacion di Guarda nos Costa tin problema, esaki ta mustra tambe e incapasidad di tur esnan cu a sinta como minister pa pone un departamento funciona manera e mester funciona pa Aruba. Awe tur loke cu ta pasando ta consecuancia di no traha structura y leynan adecua pa e departamento funciona debidamente y corectamente manera tratadonan internacional.
Cada caso di cada persona ta individual y diferente, Aruba ta haya inmigrantenan cu ta bin di otro Pais cu ta drenta como turista y ta keda Aruba y na momento cu e dianan pasa nan ta bira illegal y asina nan ta keda riba e Pais incorecto sin ningun papel y cu ta keda sin aporta den caha di gobierno, esaki ta un situacion cu no ta corecto.
Na Merca na momento cu un inmigrante mester haci e operacion aki e ta keda considera cu e inmigrante a comete FRAUDE, dus cua inmigrante di cua Pais rond mundo cu a gaña na entrada di un Pais,ta trapando riba ley di e Pais. Na momento cu e keda gara e ta keda cera y ta cuminsa e caminda pa deportacion.
Na Hulanda e sistema aki ta encamina mes un cos, aki na Aruba e mester cana mes un pasonan tambe. Basicamente na tur Pais rond mundo e mester ta mes un cos paso ta papia aki di un tratado internacional. Awor Aruba ta mante ne su mes na e tratadonan aki ? Na momento cu un inmigrante keda illegal riba un Pais e la comete un infraccion, mas miho bisa bo ta comete un crimen cu consecuancia cu ta hiba e inmigrante na su deportacion.
Sinembargo pa sorpresa por a scucha cu minister di Integracion di Aruba publicamente ta menciona Citeer: Kisas nos mester lubida di papia y of uza e palabra di illegal, uza indocumenta, paso ta parse cu ora bo categorisa un hende como illegal ta comosifuera su derechonan fundamental como hende e ta perdi. Ta como sifuera por tratanan mane cacho paso nan ta illegal? “Inacceptabel”. Esaki tabata palabra nan di Minister di Integracion cu lo mester ta para tras di leynan pa proteha Pais Aruba na momento cu e inmigrante consientemente ta opta pa bin Aruba dushi tera y ta keda consientemente y consientemente ta comete un fraude y no ta respeta nos leynan aki na Aruba.
Den e palabranan di e mandatario ta claramente ilustra cu e mandatario ta diacuerdo riba ilegalidadnan na Aruba siendo cu nan ta comete un fraude?
Tambe antes na momento cu gara un illegal e tabata strafbaar pero Partido AVP e minister encarga e tempo ey a cambia e ley na momento cu e inmigrante keda illegal na Aruba pa e ta strafbaar y AVP a hacie schrifftelijk cu awe nos tur ta biba e consecuancianan di e libertinage cu ningun illegal no ta worry y of respeta nos leynan, paso 1, nan ta haya cuminda gratis, 2 nan ta haya passage gratis, 3. Nan bira malo, nan bay hospital y of haya yiu nan ta haya gratis, pero ken realmente ta paga Nos como ciudadano di Aruba y e ciudadanonan stranhero cu si a cana nan caminda nan corecto pa ta na Aruba nos tur ta garga e piso di e gasto di tur illegal cu ta drenta Aruba y haci comosifuera ta OK.
Nos mester para keto un rato y realisa kico berdaderamente nos kier pa Aruba, nos leynan y ken cu bin for di cua Pais Rond Mundo lo mester cana un proseso husto y bon manera cada Pais cu ta pone nan leynan inmigratorio, asina tambe cada departamento concerni por cana manera debe ser y Aruba ta keda respeta.