Arubaanse Voetbal Bond (AVB ) a prepara delegacion di U20 pa representa Aruba den exterior. Ayera nochi pa ultimo biaha lo a train na veld di Yara pa asina completa nan training pa por bay cas drumi trankil y prepara cabes pa bay hunga den exterior representando Aruba na Honduras.
Headcoach di seleccion U20 Reinhard Breinburg lo ta na cabes di e delegacion cu lo sali di Aruba dia 15 di mei 2022 pa 1 or di atardi, unda cu lo pasa Santo Domingo y lo keda dos dia eynan pa despues sali hunto cu e delegacion di Haitie pa Honduras na unda cu e weganan international lo tuma luga.
E delegacion di Aruba lo bay cu 9 hungado di Aruba y lo keda reenforsa cu 11 hungado di Hulanda. Dia 14 di Juni den oranan di anochi e muchanan a haci nan ultimo training na veld di Yara pa asina papia y elabora riba e e weganan cu nan lo bay atende na Honduras.
E competencia yama Concacaf Finals 2022, e competencia aki ta duna e espacio cu e 4 paisnan entre e 20 paisnan cu ta competi cu keda na ultimo lo por bay mundial. Esaki sigur ta un soño pa e hobennan y AVB pa e team di U20. Loke ta un realidad ta cu Aruba lo bay hunga contra di varios pais hopi mas grandi cu Aruba, pero e speransa nunga no lo mester perde.
E prome wega lo tuma luga dia 19 di juni contra Panama y asina e dianan lo sigui na Honduras unda cu e delegacion lo mester saca su puntonan pa por sigui nan ronde. Esaki ta un oportunidad unico pa e hobennan y AVB y nan ta bay prepara pa por haci e miho di nan.
E delegacion ta consisti di e 20 hungado, headcoach, assistant coach, Keeper trainer, team manager, materialman, fysiotherapie y un dokter cu ta exigencia cu Concacaf ta pidi pa e delegacion por competi na Honduras.
