SKAL i Komishon Di Luna Yen ta kontinuá ku aktividatnan segun su kalènder kultural.
Awe, riba 14 di yüni 2022 lo tin e evento ‘E Anochi Ku Luna Yen’ di 7or pa 9or di anochi
na kunuku di Elly Janga, na entrada di Cactus Fence. E tema prinsipal ta “Kuenta i Storia “
di tatanan den kultura. Un anochi ku poesia bou di e luna yen ku hopi chistenan
úniko. Anochi ku Luna Yen ta un evento sosial di pueblo i pa pueblo, pues un i tur ta
kordialmente bonbiní.
Anochi ku Luna Yen ta un inisiativa ku a nase den pasado for di algun siudadano ku gran
pashon pa nos idioma papiamentu. SKAL ta keda pone énfasis ku meta prinsipal di e
evento pa stimulá otro pa skirbi, deklamá, konta storia, kanta òf presentá obranan kòrtiku
na papiamentu.
Manera semper, ta keda liber na kada bishitante pa trese algu di boka dushi pa kompartí
ku otro bishitantenan i un súplika pa tur hende bini ku nan propio stul. No neglishá bo
kapasidat i bin demostrá ku bo por. Nos ta apresiá i respetá tur obra, ku eksepshon di
palabranan bulgar, polítika, problemanan personal i tur loke ku no ta kuadra ku nos
aktividat.
Pa mas informashon por tuma por tuma kontakto ku kolaboradónan:
Yùfrou Yoi Helmeyer- Marsera; +599 9 516 6560
Magali Sumter; +599 9 565 0947
Ubaldo Anthony; +599 717 4935
Orlando Francisca – +599 786 2131 òf +599 7962131
Nochi Coffie; +599 785 6388
SKAL +599 715 5323
