Marinirnan Merikano ta bin tene ehersisionan na Aruba. Riba 13 di yüni e treinen ‘Caribbean Coastal Warrior 2022’ ta kuminsá. Durante e eherisio ku ta keda bin bek tur aña, Marinirnan di ‘United States Marine Corps’ Kuerpo di Marina di Merka, ta trein huntu ku Marinirnan di Hulanda di e ‘Marine Squadron Carib’. E ehersisio ta dura un par di siman.
E kolaborashon militar entre Etados Unidos i Hulanda ta estrecho. E ‘United States Marine Corps’ i Kuerpo di Marina ta konsiderá otro komo sosionan fiho. E Marinirnan Merikano di e 2do Batayon di Rekonosimentu ta trein anualmente na Aruba, komo parti di un interkambio di formashon bilateral. Banda di esei Marinirnan Hulandes di e ‘Marine Squadron Carib’ ta trein anualmente na Estados Unidos durante e ehersisio ku e nòmber ‘Caribbean Urban Warrior’ na Camp Lejeune, na Carolina del Norte.
‘Caribbean Coastal Warrior’ ta un treinen den kua speshalmente aktividatnan di buseo ta sentral. Esaki ta ser planiá pa e koinsidi ku e ultimo fase di e entrenamentu di e bushi speshalisá. Di e forma aki por hasi uso di un forma efisiente di e instruktornan na Aruba i esnan for di Hulanda. Asinaki ta krea diferente momentu di integrashon i ambos banda ta faniliarisá nan mes ku e forma di operá i planifiká. Finalmente esaki ta amplia i profundisá e koperashon di tur e partidonan. Esaki den kaso di esfuersonan real, ta engradesé e efikasia.
Un punto núkleo adekuá pa treinen
E laman di Aruba pa ambos unidat di Marina ta un sitio sumamente adekuá pa trein. Mirando e kombinashon di klima, temperatura di awa, klaridat di awa, i sosten logístiko desde Kazèrne di Marina na Savaneta, e kondishonnan ta optimal pa un treinen efikas i eksitoso. ‘Caribbean Coastal Warrior’ ta pas den e ambishonnan di Defensa den Region Karibe pa posishoná su mes (internashonalmente) komo punto núkleo pa ehersisio, tantu riba tera, komo riba i den laman. Di e Ekipo di Buseo CARIB tin algun miembro ku tambe lo partisipa den e treinen. E ekipo di Buseo CARIB ta un kapasidat vokashonal ku Defensa por ubiká pa nan propio trabounan di buseoi tal manera inspekshonnan i/of reparashonnan na pir i barku. Pero tambe pa sostené sosionan lokal den área di siguridat den Region Karibe.
