Nos tambe ta purba baha man na e cantidad di sucu den coi come of coi bebe. Naaaaaaaaah, nos no ta riba un dieet. Na caminda pa cumpli 65 anja di edad, nos ta sinti nos hopi bon y ta sigui disfruta di bida,manera e presenta su mes na nos. Tin biaha ariba un teeblaadjie manera e bolonan di cashupete of pruim di mas dushi, traha na cas. Tin biaha den un macuto yen di e frutanan di mas dushi, manera cashu, mandarin, druif, mispel y mas. Tin biaha den un glas di awa, recorda nos curpa pa bebe mas glas di awa. Tin biaha den nos sonjo, den un biahe colorido y di fantasia bunita. Nos niun no sa kiko e dia di mayan tin pa nos den su scochi scondi of bon warda como un dushi sorpresa, pero mientrastanto nos ta sigui busca nos mes den nos Creador Dios, of nos ta busca nos Creador Dios den nos mes. Trahando riba nos mes pa ser un mihor hende cada dia. Manera amiga Ingrid Werleman ta bisa tur ora den su palabranan yen di sabiduria “Comprondiendo Bida”. Claro cu nos cabei ta birando poco poco mas sinishi, nos cara y nos curpa ta hanjando poco poco mas plooi of lashi. Nos movecionnan ta bira poco poco mas lento y nos ta cansa un crenchi ora nos tin cu buk pa sera un sandalia of mara veter. Pero nos “spirito” ta bibo y atento den tur e desaroyonan rond di dje. Bida ta dushi ! Bida ta hopi aventura hinka den otro. Bida ta stima ! Bida ta tambe comporta y ta un bon ehempel pa otro. Y hopi mas ! Bida ta tambe trompica, cay, lanta bek. Bida ta pidi sorry ! Bida ta scucha cu curason.
Mi tin un bon esposo cu ta sigui stima’mi y malcria’mi, comparti cu’mi fielmente den nos relacion matrimonial di casi 45 anja. Nos mayornan Mercedes y Lucas Bergen Sr. como nos role modelnan den accepta cada dia como un precioso regalo. Nos Payo cu Mayo lo cumpli, Dios mediante, nan di 68 aniversario di boda aki 5 luna . Johan y ami ta bendiciona cu un nieta y cuatro nieto. Nos curason ta yen di gradicimento cu nos por pasa tempo cu nan regularmente. Y ora e alegria toca na nos curason atrobe, nos ta inspira y cla pa comparti cu nan atrobe. Scuchando e dushi musica di e fayecido Bob Marley,” stand up for your right, don’t give up the fight “. Y ta nos tur tin un of otro sorto di guerra den nos mes of cu un of otro persona of instancia rond di nos. Por lesa con e sistema den paisnan sa faya. E trabaonan den goberna no ta facil at all, pero cu hopi ta escoge e caminda mas facil y no ta tribi bisa tur e berdad. Con ta para cu nos Ensenjanza, nos Educacion, nos Hobennan “mondig” awendia ?”Antes” nos tawata felis y contento cu nos amigonan den bario, awendia no ta tur bisinja conose tur bisinja paso ela lanta su cura halto. Ach, mi pensamentonan ta dual bay bek den tempo di mi dushi hubentud. Mi ta contento cu mi a cuminsa expresa mi mes den mi skirbimento cu mi 16 anja di edad. Ela yudami hopi mes ! Corda cu nos kier inspira’bo y corda’bo riba nos curso chikito di skirbi poema via Skills Awe Aruba, cu ta cuminsa dia 8 di Juli. Pa mas info por yama 593 3044. Mientras ta traha riba mi relato, e bon noticia a drenta, cu Kevin, nos nieto mas grandi a slaag pa su HAVO diploma ! Yeeeeeeehaaaaaaaaa!!!!!Oh what a blessing !!! Celebration time !!!! E ta studia bon y hasi su best tur ora y hopi responsable,cu gran sentido di humor. E gusta hunga y wak futbol. Oh, Opa cu Oma tambe ta asina orguyoso di Kevin !!! Awor pa e next level, tin mas pa subi e trapi den educacion,despues di un vakantie bon mereci .Relax un crenchi.
Nos ta orguyoso di tur y ta stima nan tur cinco. Danki Bon Dios pa e bendicion bunita aki den su bida, cu e sigui te na unda ABO Dios guie y mustre unda pa bay y kico Bo tin p’e den bo plannan.Nos ta Glorifica y Alaba Bo Nomber Santo !!! Danki lieve mensen, pa lesa nos relato cu atencion. Stay safe ! Sigui cuida curpa ! Love you too !!!! PABIEN LIEVE KNAPPE KEVIN !!!!
Exito den tur bo siguiente aventuranan educativo formativo placentero y cu gozo, alegria y hopi mas sabidiuria !! Danki pa ta un bon yiu, un bon nieto, un bon bisanieto y un bon ruman. Un bon amigo, un bon ser humano. Sigui habri bo halanan y sigui descubri y explora cu fe y amor den y pa bo mes, pa Dios y pa bo prohimo ruman. Kevin, you are the blessing !!
