Contra di e dos hombernan cu ta sospecha di a mata Peter R de Vries diamars ultimo a pidi castigo di bida largo pa nan. Segun ministerio Publico na Hulanda cada un di e dos personanan aki a desperdicia nan libertad.
Om ta di opinion cu e homber di 22 anña Delano G. cu ta di Rotterdam ta e persona cu a tira. Co acusado Kamil E, lo mester a transporta D. G. na Amsterdam y a forma parti di varios situacion preliminar. OM ta kere cu tanto D.G y K.E tur dos tabata consiente di e mision cu nan lo mester a haci, asina fiscal di Amsterdam a duna di conoce diamars ultimo.
Peter R De Vries a haya un tiro dia 6 di juli 2020 na Amsterdam. E reportero tabata cana for di e studio di RTL Boulevard unda cu net a caba cu un grabacion y e tabata cana pa bay na su auto na un parkinglot di Lange Leidsedwarsstraat caminda cu e la ricibi e disparo. De Vries tambe a ricibi golpi na su cabes y tabata lucha pa su bida.
Sinembargo menos di 1 ora despues di e atake polis a haya e dos personanan na salida di A4
Te ainda ta desconoci e motibo di e asesinato, pero ta sospecha cu e tin di haber cu De Vries ta como consehero confidencial di testigo den un porceso di likidacion Marengo unda cu e sospecho principal ta Ridouan Taghi. Asina e oficial a duna di conoce. Ta papia aki di un atake impactante cu e tuma luga, contra di un di tres persona cu ta asocia cu e di tres testigo di e corona, Nabil B a keda asesina y den 2019 su abogado Derk Wiersum tambe.
Awor aki e comunidad Hulandes ta confrontando un realidad nobo cu sentimientonan di miedo y terror, segun e oficial di ministerio publico. Cu a pidi bida largo como castigo kier manda un mensahe bon cla cu tipo di casonan asina no ta permiti.
