Edishon: Taste is Back
Tourism Corporation Bonaire (TCB) ta organisá su promé Taste of Bonaire pa e aña akí despues ku mester a posponé e evento akí pa motibu di e pandemia.
E promé evento di Taste of Bonaire ta bai tuma lugá riba djasabra 11 di yüni 2022 den Parke Wilhelmina for di 6’or di atardi pa 10’or di anochi den un tremendo ambiente ku e tema ‘Taste is Back’ estilo Ban Topa.
E programa ta kargá ku músika, talento i lo tin stènt ku ta bende kuminda lokal i internashonal. Agrupashon musikal Payola lo ta presente pa entretené tur esnan presente e anochi akí. DJ Marv i DJ Kiart tambe lo ta presente e anochi akí pa animá tur esnan presente i tambe lo tin un tremendo Show di Brasband The Boys.
Nos kier a ekstendé un invitashon na pueblo di Boneiru i tambe na tur nos bishitantenan pa bin pasa un ratu ameno huntu ku nos djasabra 11 di yüni 2022 na e promé Taste of Bonaire edishon ‘Taste is Back’ den Parke Wilhelmina.
Pa mas informashon por tuma kontakto ku TCB na telefon 717-8322 òf manda un email pa sr. Angelo Domacasse na angelodomacasse@tourismbonaire.com.
