Tradicionalmente dia 30 di April tur anja Boneiro ta celebra dia di Rincon, esaki ta un celebracion di cultura y folklor di e bario di Boneiru,
Durante e dia di Rincon esnan presente ta ser conoce cu e cultura, tradicion y historia. E ciudadanonan di Rincon ta bisti den e paña cultural di e bario y ta baila den e ritmo di musicanan local y tradicional. Banda di tur e ambiente aki tambe tin diferente kioskonan cu diferente cuminda criyoyo.
Esaki ta un cultura cu ta keda celebra tur anja y durante di e celebracion aki no ta solamente e localnan ta celebra pero trambe ta bin hopi hende di e islanan di Caribe ta bin Boneiru specialmente pa bishita y celebra e dia cultural aki.
Ricon ta e bario di mas bieu di boneiru cu a keda lanta den 16e eeuw door di e spañonan debi cu e bario tabata keda memei di e seronan na e parti Noord di e pais y e no tabata bisto via di lama y e tabata protegi di e manera aki door di e piratanan. E ciudadanonan cu ta di Rincon ta sumamente orguyoso di nan bario y nan ta demostra esaki tambe cu nan historia y cultura cu nan ta bibe tur dia.
Te cu 2013 e ciudadanonan cu ta biba na Boneiru tabatin liber riba dia di Rincon 30 di April, pero debi na e celebracion di koninginnedag despues cu Willem Alexander a hala e fecha coronacion dia 27 di April, dia di Rincon no ta un dia liber oficial mas. Dia di Rincon tambe ta keda celebra na Hulanda unda cu e gruponan di Boneiru na Hulanda ta celebra esaki y ta mayoria biaha na Tilburg.
