Den luna di aprel Tourism Corporation Bonaire (TCB) tabata un di e
tiki partnernan ku a haña invitashon pa e seshonnan di ‘speeddate’ ku e agentenan di
ReisCreaties Pelikaan. ReisCreaties Pelikaan Travel Group ta un di e organisashonnan di biahe di
mas importante den e parti sùit di Hulanda. Durante e evento akí TCB tabatin e oportunidat pa
duna un tayer na mas ku 30 agente di Pelikaan Travel Group.
E tayer ku TCB a duna na e agentenan di biahe tabata pa trese e desaroyonan riba nos isla bou
di nan atenshon. Alabes e agentenan di biahe por a optené konosementu tokante tur e
posibilidatnan ku Boneiru tin di ofresé i durante e seshonnan nan a siña tambe kua ta e ‘unique
selling points’ di e destinashon. Un di e metanan mas importante durante e seshonnan
edukativo akí tabata pa informá e agentenan tokante e vishon di Boneiru pa loke ta trata
turismo di balor haltu ku tiki impakto.
Pelikaan Travel Group tabata hopi kontentu ku presensia di TCB komo suministradó durante e
evento.
