Marjorie Vermeer no ta un persona desconoci e ta un habitante di besindario unda Dump di parkietenbos ta y semper a vocifera su preocupacion riba e situacion di Dump. Mardjorie mes tin mas cu 35 aña ta biba den besindario y a bringa semper pa cu e desaster cu nan ta biba tur dia rond di e area di Dump di Parkietebbos. Segun Vermeer tin un dump cu no ta cuadra cu ningun ley di mundo. Si ta papia di dia di tera, esaki ta algo cu mester proteha loke ta nos mundo, nos ambiente y nos aire.
Segun Mardjorie Vermeer si nos mester sinta wak nos dump ta parse un parti di tercera Guerra mundial unda cu e ta habri. Actualmente Aruba a haya un minister nobo cu ta Minister Ursell Arends y nos ta contento cu e ta conoci cu e ta pro naturalesa y conservacion.
Sinembargo por a tuma nota cu e mandatario a bin cu cosnan nobo y leuk “Wast to cash” unda cu a pidi Aruba completo pa bin cu ideanan pa asina duna nan aporte riba e problematica aki. Segun Mardjorie nos no mester inventa e wiel, tin tur cos cla di un compania local cu por tume awe y nos ta cla, pero gobierno mester bin cu su reglanan y of ta sera contract cu nan y por cuminsa mira un cambio.
Nos mester cera e kramchi awe, paso ta parse cu tur cos ta bao di awa y nos ta para na banda wak kico ta bay pasa. Mardjorie ta kere cu awe mester sera dump mirando cu no por tuma mas di tur e sushi cu ta bay den lama y ta keda causa daño.
Aruba no tin un persona cu no sa e problema di dump, sinembargo e mandatario a bin cu un raad van toezicht nobo, pero mi no tin un idea ta pa kico a bin cu un raad van toezicht , sea ta pa bay wak e cifranan di pasado of kico a bay fout ect ect. Sinembargo nos no tin tempo pa esey , pero awe coy e dump pone den man di profecionalnan y guia esaki mirando cu e dump ta keda di Aruba.
Ta mustra cu nos mes kier hacie, pero nos no por hacie, nos no tin e capasidad, sabiduria debi nos ta cay bao gobierno, nos mester laga un compania di afo hacie, segun Mardjorie Vermeer.
Nos mester tuma accion pa sera e dump awo, pero manera nan ta bisa na spanjo “ los perros ladran , pero la caravana pasa” Mardjorie Vermeer un ciudadano cu ta luchando hopi pa mira un cambio na dump ta gradici Minister Ursell Arends cu a faya nan asina tanto.
