Djadumingu den oranan di mainta na plasa Fransisco Chiku Goeloe fundashon Avanti a introdusí bandera i himno di bario Antriol, tabata Rolando Marin ku a diseñá e bandera i sr Reginald Dortalina ta outor di e Himno di Antriol.
Diputado Hennyson Thielman durante su diskurso a trese dilanti ku e ta konsiderá su mes komo mucha di Antriol mirando ku for di mucha e tabata kore hunga den kurá di su wela. Finalmente diputado Thielman a duna di konosé ku e organisashon Avanti por ta un ehèmpel pa otro fundashonnan , mirando tur loke e fundashon a logra den nan dies aña di eksistensia ku nan a kumpli awe 17 di Aprel 2022.
Riba invitashon di Fundashon Avanti na Plataforma Sentro di Bario Amboina ku tambe tabata presente pa honra presensia na e okashon speshal aki a gradisi Sra. Lupe Dortalina pa e echo ku bario Antriol tin su propio Bandera i Himno i ku nan tin 10aña trahando fuerte pa adelanto pa nan Bario. Union ta hasi forsa.
Sperando ku tur abitantenan di bario Antriol i Pueblo di Boneiru por sigui yuda i kontribui pa sigui traha i desaroya hopi 10 aña nan mas pa bini i pa tur sentro di Bario nan nan Boneiru por tin un Nivel haltu i apresia pa nos mes i tur nos bishitantenan na Boneiru.
Tur presente por a disfruta un mainta eligioso ku tur lokual a keda trese na inisio pa desvelo di bandera pa Antriol i su Himno.
Un pabien kaluroso na bario Antriol i Fundashon Avanti ku boso desvelo di Bandera i Himno di parti Plataforma Sentro di Bario Amboina.
