Tourism Corporation Bonaire (TCB) a rekonosé seis wéspet
prosedente di Merka, Alemania i Hulanda komo embahador di Boneiru.
E wéspetnan rekonosé ta Leo i Nel Smaal ku ta bishitando Boneiru pa 20 aña konsekutivo i a
risibí feneta di oro. E pareha Tom i Anne Darrow ta bishitando Boneiru pa 15 aña i a risibí feneta
di plata, miéntras Nicole Carolus i Laurens de Wals ku 10 aña di bishita a risibí feneta di bròns.
TCB a gradisí tur e wéspetnan rekonosé pa e echo ku nan ta skohe Boneiru komo nan
destinashon preferí pa fakansi.
