Tur cos ta mustra, segun nos fuentenan, cu gobierno no tin confiansa mas den Haime Croes, director di Departamento di Infrastructura y Planificacion (DIP).
Pa algun tempo caba a bin ta investigando operacion di DIP bou di su guia.
Hopi malcontento, rumor y señalamento a causa cu a start un investigacion penal. Mientras cu esaki ta tumando luga, Gobierno tambe a cuminsa haci su tarea di investiga y a yega momento cu ta dificil pa sigui absorba e golpinan causa pa funcionamento di Croes.
Esaki ta motibo cu despues di tantisimo bishita di Landsrecherche Minister encarga cu Infrastructura cu sosten di conseho di Minister ta bay pone un Management Team na DIP.
Gobierno ta stipula un maneho y e departamento mester ehecuta esaki. Pero ta parce cu Haime Croes tabatin su mesun maneho y debi na esaki e decision di un MT al estilo di DIMAS. Esaki lo ta algo temporal te ora tin claridad riba e investigacionnan andando.
