Den e buki di Numbernan capitulo 23 ver19 ta para scirbi: Dios no ta hende cu E lo gaña, ni yiu di hende cu E lo repenti, Acaso E a bisa, y E lo no hacie, Of E a papia, y E lo no cumpli.
Den tur situacion den nos bida Dios ta keda Dios, E ta keda mesun cos, Dios no ta cambia, E ta keda Dios pa semper, cielo y tera lo pasa ma Su palabra lo no pasa.
Ta pesey den e buki di Isaias capitulo 5 vers 20 Senor ta bisa; Ay di esnan cu ta yama loke ta malo bon, y locual ta bon malo, loke ta scuridad luz, loke ta marga dushi, y loke ta ta dushi marga.
Den un palabra Dios kier hala nos atencion pa no encubri maldad, djis pa nos keda contento , of pa hende keda contento cu nos, nos deber ta pa huy for di maldad, y no sinta mira, pasobra ta dificil pa nos apoya, locual Dios ta aborece.
Dios ta amor.
Dios tin misericordia.
Dios ta stima mundo.
Dios ta stima tur hende.
Pero hende mester tene cuenta cu locual tin para scirbi den e buki di Romanonan Capitulo 2 vers 5-6 : Ma pa motibo di bo capricho y bo curazon cu no kier repenti bo ta montona furia pa bo mes, den e dia di furia e revelacion di e huicio, hustu di Dios, kende lo paga cada ken segun nan obra nan.
Dios ta avisa cu hende mes ta sembra locual nan ta bay cosecha.
Pesey Dios ta bisa pa nos no gaña nos mes.Den e buki di Galationan capitulo 6 vers 7 ta bisa cu tur locual hende sembra nan lo cosecha.
Pasobra esun cu sembra segun carni lo cosecha corupcion, esaki ta nifica, cu no keda sorpresa ora esun cu haci malo, haña malo den su caminda, of tur cos ta stanca, y bo ta puntra bo mes, dicon nada no ta bay bon, dicon en bes di cos bay dilanti , cos ta bay atras, pasobra ora hende ta sembra mentira, tuma malo haci bon, esey ta nifica cu nos ta haci cherche di Dios.,
Nos ta mantene nos capricho, aunke e ta perhudica nos mes y otro hende , nos ta sigi mesun cos sin arepenti .
Nos ta bibando den un tempo caminda hende grandi ta haci maldad y bagamunderia den bista di mucha, y lubida cu nan mester ta ehempel pa mucha, pasobra ta riba nos mucha nan ta wak, y mas pio ta cu ora hende grandi ta haci maldad, hende grandi ta aplaudi, y awor cual ta e recurso y e caminda cu a sobra pa e mucha cana?
Nos Dios ta fiel y berdadero, y E no ta tuma malo haci bon, maldad ta temporal, pero bondad ta pa semper.
Ta nos deber pa lanta nos yuinan den caminda di Dios., y instrui nan cu esnan cu haci bon, ta busca gloria honor y inmortalidad, bida eterno, ma pa esnan cu ta busca nan propio interes so y no ta obedece e Berdad, ma ta di acuerdo cu inhusticia,lo tin tribulacion y angustia.
Pasobra cada ken lo ricibi di Dios locual cu e ta merece.
Pasobra no tin distincion di persona serca Dios.
Nos yuinan mester ta na altura, cu mal custumber ta daña bon karakter, pa wak bon cu ken nan ta asocia, pasobra Dios ta Fiel y Dios no ta cambia.