Esaki ta e pregunta cu ta haci e diferencia pa eternidad, y e contesta ta hopi facil nos por lesa locual ta para scirbi den Hechonan Capitulo 16 vers 30+31 : E wardado di preso a bisa:Señornan kico mi mester haci pa ta salba. Y nan a bisa: Kere den Señor Hesus y lo bo ta salba ,abo y e hendenan di bo cas.
Ta deber di tur mayor di busca salbacion pa nan mes y guia nan yuinan riba e caminda di salbacion. Salbacion ta bini solamente pa medio di Hesus Cristo , pasobra hende no por salba hende, ta Cristo a muri na cruz pa nos tur por ta salba.
Dios den su inmenso misericordia a duna oportunidad na henter mundo pa salbacion; Pasobra Dios a stima mundo asina tanto cu E a duna Su Yiu unigenito , pa ken cu kere den dje no bay perdi, ma tin bida eterna.
Awendia hopi hende ta preocupa cu tur cos, menos cu nan salbacion.
Nan kier bienestar.
Nan kier paz.
Nan kier salud.
Nan kier tin un matrimonio feliz.
Nan kier tin yuinan integro cu ta studia y gradua.
Nan kier placa.
Y un tremendo seguro di bida, pa ora nan fayese nan tin un entiero all out y hasta sobra placa.
Pero que hubo di e alma na unda e ta bay? Lo e tin bida eterna den cielo? of lo e tin di bay den fierno?(Lucas 16 v19-31).
Hende kier wordo garantisa den tur cos, mescos cu ora nan cumpra un articulo den un tienda, nan ta puntra pa e garantia pasobra nan a saca placa y tur articulo den cas ta wordo asegura.
Pero e garantia cu Dios ta duna di salbacion y bida eterna bo no tin mester di paga pe , ni tampoco bo mester renoba, pasobra e no ta caduca, pasobra e preis cu a wordo paga na cruz di Calvario pa nos, ta e preis di sanger di Cristo Hesus cu a wordo derrama pa nos picanan y cu hamas lo perde su poder.
Den E sanger di Cristo Hesus nos a wordo redimi y ranca for di man di satanas, libera for di e mundo di scuridad y treci na luz, ta pesey awe nos por cana den Luz di Cristo , kende ta mantene nos riba e caminda di berdad y bida.
Tur mayor cu ta stima nan yuinan mester guia nan yiu den e caminda di Señor esey ta e prome amor di mayor, y tambe e ta boluntad di Dios ( Efesios 6 vers 1-4) y tambe displina y coregi bo yiu, pasobra e mayor cu ta haci esey di berdad ta stima su yiu.
Mientras un hende ta na bida e mester ta interesa den su salbacion y biba pa Señor, pasobra despues cu e muri nada mas por wordo haci, pasobra salbacion ta personal: Si bo kere den bo curazon y confesa cu bo boca cu Hesus ta Señor lo bo ta salba.
Cuanto hende awendia ta rechasa salbacion, pasobra nan ta kere cu ta religion, en bes di mire como un relacion intimo cu Dios, pasobra una bes bo ta salba nada por separa bo for di e amor di Cristo.Y ta keda na abo pa sigi perservera , pa ora Cristo bini busca su pueblo bo por bay cune.(1Thesalonisenses capitulo 4 vers 13-18).
Tur hende den un hogar mester ta salba,y biba pa Dios, pasobra esey ta boluntad di Dios.