Segun Parlamentario drs.Mervin Wyatt-Ras, Evelyn Wever-Croes awor den e racha di persecucion politico contra tur cu no ta di su signatura politico o di su agrado, awor a cai sinta riba stul di presidente di Parlamento. Aunke pa hopi tempo caba tabata obvio cu ministro presidente ta esun cu ta dicidi ki reunion e presidente di Parlamento ta yama y cu enbes di laga parlamentarionan papia e mester ta na palabra, awor a bira mas claro ta ken ta dicidi y manda riba e presidente di parlamento.
Parlamentario drs. Mervin Wyatt-Ras a tuma nota di e carta manda pa un miembro di personal di Parlamento, sra. Arminda Khemlani, den cual ta prohibi Khemlani pa drenta tur localnan, edificio, terenonan y propiedadnan di Parlamento. Locual ta remarcable y hasta tristo ta cu e motibo no ta cla sino basa ariba supuesto actuacion politico di Khemlani. Kiermeen sin sa sigur e minister presidente ta sinta riba stul di Parlamento y dicidi di prohibi un trahado di drenta parlamento sin tin argumento pa hustifica esaki, sin “hoor en wederhoor”. Siguramente na e momento aki Evelyn su hendenan lo drenta Parlamento pa bai busca informacion pa por acusa e empleado na smaak. Segun informacion cu Wyatt-Ras por a obtene di coleganan na ningun momento e presidente di parlamento no a yama reunion pa discuti cu por tabatin algo ta pasando al respecto promer cu e minister presidente a manda un carta pa e empleado. Kiermeen den Parlamento tampoco no tin transparencia igual cu den gobierno ta e caso. Aki por nota cu ta Evelyn Wever-Croes ta tanto minister presidente como presidente di Parlamento. Como cu personal di Parlamento ta cai bou encargo di Griffier di Parlamento, lo tabata na su lugar cu cosnan mester a wordo regla di e forma ey pero manera cu por mira e carta ta firma dor di La Donja herself, esta Evelyn Wever-Croes.
Den un caso normal lo mester a consulta cu Comision di Asuntonan Domestico of Commissie Huishoudelijke Aangelegenheden (CHA) cu tin un asuntonan of sospechonan regardando personal di Parlamento. Den Articulo 11. di Reglement van Orde di Staten ta indica cu 1. Aan de griffier wordt de leiding van de griffie alsmede het beheer over de huishoudelijke aangelegenheden van de Staten en over de boekerij opgedragen. 2. De voorzitter, bijgestaan door drie leden, daartoe jaarlijks door de Staten te benoemen oefent hierover het toezicht uit. Deze commissie wordt genoemd de Commissie voor huishoudelijke aangelegenheden (CHA). Mirando articulo 11.
Den e caso di e acusacion e Comision cu tin toezicht (CHA) por lo mester lo mester tabata na haltura. Esaki kiermeen cu decisionnan en todo caso den principio di investigacion mester ser tuma dor di Staten y for di ey en bista cu te ainda Parlamento no ta un entidad independiente e minister por firma pero riba peticion di Parlamento. Sinembargo den e caso aki cosnan a bai diferente. Esaki no ta prome biaha. Evelyn Wever Croes su Gabinete ya caba a hala diferente persona un banda. A hala e director di NV Elmar, di WEB NV, Utilities y AZV. Tur ta entidadnan independiente. Tambe gobierno kier haci problema cu director die Hospital y a hala e director di DIMAS, un ser femenino integro, un banda y awor un sra. cu tin 30 anja di experiencia. Segun Wyatt-Ras den caso un persona haci algo mes cu no ta bon mester papia cun’e y ofrese oportunidad pa mehora. Sinembargo den e gobierno aki dialogo ta palabra malo y e presidente tampoco no ta domina e e arte di communicacion pa yega na un decision. Ademas tin cu considera cu den e partido geel esun cu no ta pensa manera nan tin cu bai, pa otro tuma su lugar cu si ta pertenece na e clan di friends and family. Esey Wyatt-Ras ta papia di dje for di experiencia tempo cu el a vota pa e versoberingswet na vanguardia di nos cuidadanonan y a ser expulsa for di e partido. E hunto cu sra. Lopez-Tromp.
