Milisia di Karibe (CARMIL) pa e aña 2022 un biaha mas tin kuponan pa formashon disponibel pa Formashon Elemental Militar (Elementaire Militaire Vorming, EMV) E Formashon ta nesesario pa keda apuntá komo Militar na Aruba i Kòrsou. Esakinan ta mihó konosí komo ARUMIL of CURMIL.
Despues di finalisá e formashon, bon funshonamentu i demas formashon, ta posibel pa Militarnan den Karibe sigui progresá den diferente funshonnan (di maneho). Esaki por ta den un funshon di Komandante di Grupo (pelotòn bèrdè), Komandante di Guardia (pelotòn blou), Instruktor den Departamentu di Formashon, Militar di Enfermeria General, Instruktor di Deporte of Instruktor di téknikanan di tiru i detenshon. E apuntashon(di pais) ta yega te 30 aña. Pero tin posibilidatnan pa despues di esaki sigui den un karera na Defensa Na Hulanda.
E rekerimentunan ku kua esnan interesá mester kumpli pa kuminsá ku e kurso di EMV ta:
– Bo tin edat di entre 18 i 24 aña;
– Bo ta inskribí komo habitante na Kranshi di Aruba i Kòrsou (Burgerlijke Stand en Bevolkingsregister;
– Bo tin nashonalidat Hulandes;
– Bo itn minimal VSBO (Korsou)/EPB Doorstroom-diploma (Aruba) (MBO4 of HAVO pa ofisir);
– Bo ta den un bon kondishon físiko i porlanda. Parti di e kùrmentu ta un tèst di landamentu i kondishon;
– Bo tin bon dominio di Idiomanan Hulandes i Papiamentu. Di esaki lo bo hasi un tèst oral i por eskrito.
–
Pa ambos pais tin dianan di informashon / selekshon planiá pa esnan ku ta interesá. Despues ta posibel pa mèldu pa e formashon di EMV. E kùrmentu ta sigui despues di un tempu kòrtiku. E formashon EMV ta kuminsá e aña akina Ougùstùs. E formashon pa Militar ta dura un aña. Despues di finalisá e formashon bo ta keda apuntá den e pais kaminda bo ta inskribí na su registro Sivil. Desde e aña aki tambe ta posibel pa hende muhé partisipá na e formashon pa bira Militar den Karibe.
