Nos Miss Tourism Bonaire Sunniva Manuel lo representá Boneiru den e sertámen di Miss Tourism World 2022 ku ta tuma lugá na Aruba di 31 di mei 2022 pa 6 di yüni 2022. GLW Foundation ta organisá e sertámen akí.
Manera ta konosí, Tourism Corporation Bonaire (TCB) ta organisá e evento di Miss Tourism Bonaire ku e meta pa promové Boneiru lokalmente i tambe internashonalmente den forma di diferente proyekto. Pa e motibu aki Sunniva a aserká TCB ku e sugerensia pa e por bai kompetí den un sertámen di beyesa internashonal. TCB sigur lo apoyá Sunniva Manuel den e sertámen akí i esaki sigur ta kontribuí na promoshon di nos isla. Sunniva ta yama danki di antemano na tur spònser ku ta hasi esaki posibel.
Preparashonnan pa Sunniva su partisipashon na e sertámen di Miss Tourism World 2022 ya kaba ta tumando lugá. Sunniva ta kai bou di enkargo di sr. Angelo Domacasse.
Na mes momentu TCB kier a anunsiá ku e aña akí lo no bai tin sertámen di Miss Tourism Bonaire i ku esaki ta bai tuma lugá otro aña. TCB a tuma e desishon ku ta bai organisá e sertámen kada 2 aña. TCB kier a yama Sunniva masha danki pa e bon trabòu ku e ta hasiendo.
Nos ta desea Sunniva hopi éksito ku su preparashonnan i tambe ku su partisipashon den e sertámen di Miss Tourism World 2022.
Por sigui tur e preparashonnan riba página di Facebook di Miss Tourism Bonaire.
