Na prome lugar laga nos splica tur hende ta kico ta e rapto, E rapto ta algo grandi cu por sosode riba e mundo aki den un momento of otro, pasobra Cristo Hesus ta bin busca su Iglesia, y tur wowo lo mire.
Ken ta Su Iglesia? Awel tur esnan cu ta kere den Su nomber, y confesa cu nan boca y kere den nan curazon y biba segun Su palabra esey ta su Iglesia.
E Iglesia no ta ningun edificio cu hende a traha cu man y dune nomber,pero nos reunion y comunion huntu cu Fe den Señor ta haci nos Su Iglesia.
Pasobra Hesus Cristo no ta bin busca religion, pero e ta bin busca tur esnan cu a kere den dj’E di acuerdo cu locual Dios priminti na henter mundo den Juan Capitulo 3 vers 16-19.
Salbacion ta personal, ta un persona mes tin di scohe pa Cristo, pasobra bo tin cu kere cu Hesus Cristo ta Señor.
Pa medio di Gracia boso a wordo salba door di Fe, y esey no di boso mes, e ta don di Dios.No como resultado di obranan pa ningun hende no gaba.(Efesionan 2v 8+9).
Tin hende ta kere den e rapto, pero tin no ta kere ,pero ta para scirbi den 1 Thesalonisensenan Capitulo 4 vers 13 te cu 18, Tito Capitulo 2 vers 11-13, Phil capitulo 3 v20-21 tur locual abo como mayor y bo famia, mester sa pa boso biba prepara, pasobra e dia y e ora di e Rapto ningun hende no sa ,pero tur locual ta pasando rond mundo ta dunando un advertencia cu locual ta para scirbi lo bay sosode, un ora pa otro.
Dios a pone bon cla den su palabra , ta para scirbi pa tur hende por sa, ken lo bay, y ken lo keda pasa den e Gran Tribulacion ,cual ta algo teribel.
Gran Tribulacion ta nifica ; Ora Dios mes cuminsa destrui e mundu aki. E ta para scirbi den e buki di Revelacion for capitulo 6 te cu capitulo 18. Pasobra despues cu Cristo Hesus bin busca su pueblo e gran Tribulacion lo cuminsa .
Dios a bisa bon cla,cual comportacion y creencia lo hiba na condenacion eterno. y ta lo siguiente:
1 Cor capitulo 6 vers 9+10 , Galationan Capitulo 5 vers 19 -21, Romanonan Capitulo 1 vers 18-32, Lucas capitulo 21 vers 32-36.
Pero tambe Dios den su misericordia ta ofrece nos 1 Juan 1 vers 9.
Romanonan Capitulo 8 vers 1 ta bisa cu no tin condenacion pa esnan cu ta den Cristo, esnan cu ta cana segun Spirito y no segun e carni. Si nos compronde bon esnan cu ta den Cristo lo no pasa den tribulacion, pasobra nan no ta cay bao di condenacion, pasobra e palabra di Dios ta bisa den Juan capitulo 3 vers 16 -19 cu esun cu ta kere lo ta salba y esun cu no ta kere lo ta condena.
Realisa awor cu biba pa Señor no ta fanaticada, pero ta salbacion pa bo alma, pasobra si bo reconoce Hesus aki na tera, E tambe lo reconoce bo dilanti di Su tata cu ta den cielo.
A yega e momento pa nos tur arepenti, aparta di maldad, confesa nos pica, y biba den e speransa pa bay cu Cristo ora e aparece den nubia pa bay cu su pueblo.
Tur hende cu ta kere den e Palabra y biba pa Dios y predica e Palabra sa cu e tempo ta serca.