Papa Francisco a rechasa diadomingo ultimo e afirmacion di Rusia di cu e ta hibando un operacion militar special na Ukrania unda cu e ta bisa cu e pais ta golpia dor di e gera cu ta tumando na e pais.
Na Ukrania ta coriendo riunan di sanger y lagrima. No ta trata di un operacion militar sino un gera cu ta cosecha morto ,destruccion y miseria , asina Papa Fransisco a duna di conoce den un discurso cu e ta duna semanal dilanti di un multitud di hende cu ta reuni na plaza San Pedro.
Sinembargo con e situacion a bay den e 11 dianan di conflicto e no a condena publicamente Rusia na su nomber y e invacion cu e la comete. Sinembargo e la haci un yamada na Paz , yudansa na esnan cu ta haci trabao humanitario y tambe pa e paisnan negosha cu otro.
Den Ukrania e necesidad pa asistencia humanitario ta crece cada ora, asina papa a duna di conoce na momento cu e tabata declara via di un bentana riba e plaza. Papa Fransisco a haci e peticion pa pone e sentido comun back y nos bolbe na e respet cu nos tin pa e derecho internacional.
Rusia ta yama su accionnan na Ukrania operacion special y no un gera y a duna di conoce tambe cu e no ta busca pa ocupa teritorio sino destrui e capacidad militar di Ukrania y captura tur esunnan cu ta considera peligroso nacionalista.
Riba e plaza San Pedro tabatin hopi mas hende cu normalmente ta reuni dilanti e basilica di San Pedro. Tabatin varios hende cu diferente banderanan y principalmente e bandera di color di Ukrania tabata aparese.
Papa a duna di conoce tambe nan ta haci tur lo posibel pa trece Paz bek y tambe a duna di conoce cu religiosonan di argentina, fundacionnan catoliconan, romanos a bay Ukrania pa yuda esunnan cu mas ta den necesidad. E gera ta un locura “ porfabor para “ Papa a haci un peticion.
Andriy Yurash embahador di Ukrania dulanti di Vaticano a elogia Papa pa yama e conflicto un gera.
E ta hopi contento cu Papa a clarifica y a bisa cu e ta un gera y no un operacion militar manera Rusia ta pretende di cu e ta. Aunke cu Papa no a menciona e nomber di Rusia , pero henter mundo sa kende a ocasiona e situacion aki y kende ta e agresor cu a invadi Ukrania
