Cu nos bista fiha riba e Palabra di Dios , pasobra nos tur sa kico Dios a haci pa henter mundo den Juan capitulo 3 vers 16 -19, no a keda nos nada mas di hala mas serca Dios.
Nos tur ta na altura, cu locual ta para scirbi den Isaias Capitulo 59 vers 1+2 : Mira e man di Señor no ta cortico cu e no por salba, tampoco so horea no ta sordo cu e no por tende, ma boso inikidatnan a causa separacion entre boso y boso Dios, y boso picanan a haci cu Su cara a keda scondi pa boso, asina cu E no ta tende .
Pica ta separa hende for di Dios, ora nos bisa cu hende mester arepenti, no laga esaki wordo tuma como un forma di husga, pero ricibie cu amor , pasobra esun cu ta stima su prohimo , ta interesa pa su prohimo arepenti, pasobra e kier mira su prohimo bon.
Den e buki di Galationan capitulo 5 vers 19-21 Señor ta spierta nos di tur e cosnan cu tur hende mester aparta di dje, pa asina nan por drenta cielo, y mesun cos tambe e ta bolbe hala nos atencion den 1 Corintionan Capitulo 6 vers 9+10 pa no laga ningun hende gaña nos, pero Dios su misericordia ta bolbe wordo demostra den vers 11 pa duna tur hende e oportunidad di drecha nan asunto cu Dios.
Pero con nos ta hala mas serca Dios?
Nos mester stima otro : ( Mateo 27 vers 37+39) Hesus a contesta Stima Señor bo Dios cu henter bo curazon , y cu henter bo alma y cu henter bo mente. Esaki ta e gran mandamento y e di prome, y e di dos ta semehante: Stima bo prohimo manera bo mes.
Nos mester demostra Gratitud : (Mateo 7 vers 12) Pesey tur loke boso kier pa hende haci pa boso, haci mescos pa nan. Trata hende bon, sea agradecido, mantene fieldad.
No husga , no murmura, no critica : (Mateo 7 v 1-5) (Phil 2 v 14+15)Tene bon cuenta cu nos no por laga nos yui cay den man di diabel, pasobra e yiu ta bisa pa no husga, pasobra ora hende ta robez y for di boluntad di Dios, den un bida di berguensa, y e ta bisa no huzga, sabi cu ta mentira di diabel pa mantene e persona den su gara . ( 2 Corintionan 10 :6). Pesey como mayor nos mester ta den obedencia y ordo di Dios pa nos coregi nos yuinan.
Ora nos bisa un persona pa e stop di bebe, mirando cu su bida ta na peliger e ta bisa no husga?
Comparti e Palabra di Dios ( Mateo 28 vers 19).
Kere Dios su Palabra ( 2 Timoteo 3 vers 16+17) : Tur Scritura ta inspira pa Dios y ta util pa siñansa, pa reprendemento, pa coreccion, pa educa den husticia. Pa e hende di Dios por ta perfecto, ekipa pa tur bon obra.
Awendia tin hopi ta busca un salida bisando cu ta hende a scirbi bijbel, esey ta berdad, pero tur esnan cu a scirbi Bijbel a wordo inspira pa e Spirito di Dios.
Lucas Capitulo 16 vers 19 te cu 31, ta siña nos cu ora nos muri nos Spirito ta sali bay direct serca Dios, y eynan segun bo a biba aki na tera lo bo hanja bo destinacion sea cielo of fierno.
Pesey nos mester hala mas serca Dios.