E presidente di Ukrania Volodimir Zelenski a duna di conoce cu awe 25 di februari 2020 ta bay ta un anochi hopi dificil pa Ukrania. E presidente a pidi tur Ukraianonan pa nan mantene nan mes firme y cu e lo bay duna un discurso nacional riba rednan social.
Awe nochi den oranan di madruga ta bay ta un anochi historico y hopi dificil pa e personanan di Ukrania mirando cu e enemigo lo bay uza tur su forsa cu e tin pa asina kibra e resistencia di Ukrania y awe nochi ta bay ta e anochi cu Ukrania mester bay mantene su mes firme pa e destino di Ukrania.
Den su mensahe e presidente a duna di conoce ta bay ta un dia dificil pero nos ta balente, nos ta luchando pa nos pais cu tur nos amor for di tur skina di nos pais. Tambe ta luchando den e nivel diplomatico y cu a papia cu un cantidad di lidernan di pais nan rond mundo, e pressidente a duna di conoce.
Segun e presidente di Ukrania e meta pa esaki ta pa stop cu e masacre aki, awe un cantidad grandi di soldadnan a muri na momento cu un cantidad grandi di soldad a crusa frontera y a drenta Ukrania. Sinembargo Ukrania tambe a sufri danjo y soldadnan cu tambe a fayece. Loke ta un realidad na e momentonan aki ta cu e soldadnan Rusiano ta yegando poco poco Kyiv cu ta kapital di Ukrania. Despues cu por a caba cu varios avion di Rusia , e rusianonan ta tratando pa drenta den e parte noord y zuid di e pais
Tambe diahuebs ultimo e Rusonan a tuma e planta nuclear di Chernobil y e isla di Serpiente (Isla Zmiinyi) na e mar negro unda cu a muri 13 guardia di frontera cu a defende e territorio di un candidad di militarnan Ruso.