No tin nada contra celebracion di carnaval 2022, al contrario tin cu aplaudi cu despues di casi dos aña di hopi stress, ta brinda pueblo e posibilidad pa ‘los laga bay’ pa trata di kita e presion formal cu el a sufri durante di e pandemia.
Melvin Tromp miembro di AVP, ta mustra cu den ultimo dianan, a bolbe Sali na cla e falta di seriedad y di responsabilidad di un gobierno, cu ta asina desespera pa mustra bon den bista di pueblo, cu nan ta perde realidad for di bista.
“Un siman despues cu Conseho di Minister di Reino ainda no a bay di acuerdo pa duna Aruba sosten di likides pa motibo di falta di seriedad di gabinete Wever Croes, ata varios minister di gabinete Wever Croes ta bin dilanti y atende cu organisacion di celebracion di carnaval.
A bin dilanti duna fecha cu e parada tin cu tuma luga, otro a bin dilanti y bisa cu e parada na luna di Juli lo no conoce un dia liber automatico manera tabata custumber antes despues di parada grandi y riba otro cosnan di carnaval.
Sinembargo nada di presupuesto 2022, anda di e situacion di confrontacion cu tin cu Hulanda, nada di solucion pa e problema di RWZI na Bubali, nada di eliminacion di recorte salarial di 12.6%, net nada ya cu gabinete Wever Croes manera cu a bira un custumber, ta sconde su mes den e tipo di maniobranan aki, pa sigui sconde e berdad di su mal maneho.
Diabierna Hues a informa abogadonan di gobierno caba, pa nan bay Hulanda y negocia algo ap sali for di discusion aki riba e medida di 12.6% cu representantenan di departamento di finansa, a sigura cu ta plan di gabinete Wever Croes eseaki tabata y ningun momento tabata exigencia di gobierno Hulandes.
Ningun reaccion ni di e traidor Evelyn Wever Croes y ningun otro minister pero mey mey di tur e participacion cu lo tin parada, e problemanan ta sigui lanta cabes y sin solucion.
No tin presupuesto 2022 ainda, apesar di presion di CAFT, no a kita e mentira di 12.6% di recorte salarial di trahadonan publico, no tin solucion pa RWZI pasobra ainda no tin presupuesto, no tin claridad ainda con severo e recorte di gasto den cuido medico lo bira.
Gabinete Wever Croes no tin ningun tipo di noticia alentado pa pueblo pero ta trata di manipula cu sentimento di pueblo, poniendo atencion na un parada di carnaval
Loke falta na e momentonan aki, ta pa Prome Minister Evelyn Wever Croes bin dilanti dialuna y anuncia hunto cu Minister Xiomara y Minister Dangui, cu Conseho di Minister a dicidi di saca “Eagle LNG” como Cayso y como Roadmarch a keda nombra e famoso “12.6%
ya esey ta loke falta di un gobierno asina incapaz,” Melvin Tromp di AVP a mustra.