Salmo 46 ta siña nos lo siguiente; Dios ta nos refugio y Fortaleza, nos pronto auxilio den tempo di angustia,
Pesey nos lo no tin miedo, maske tera kita for di su lugar, y maske e sero nan slip bay den curazon di laman.
Maske su awanan ronca, y scuma , maske e sero nan tembla door di su furia.
Aunke nos ta mira tempo dificil nos mester keda proclama e bondad di Dios riba tur cos, ta solamente pensando positivo y ora nos sigi haci bon, nos por sali for di tur situacion ferfelo.
Pero si nos ancra den negativismo,y keda biba den pasado, nos lo no mira e luz cu Dios tin pa nos, na e salida., pasobra Señor Dios ta bisa cla den Isaias capitulo 43 vers 18 : No recorda e cosnan di antes, ni keda pensa riba cosnan cu a pasa caba.Pasobra Dios lo haci cosnan nobo
Awor con Dios por haci cosnan nobo , ora nos mente, nos curazon, y tur nos emocionnan ta mara den cosnan bieuw, y tur ora nos kier usa nan pa demostra cu nos ta bon y cu otro hende ta malo,nos lo no logra nada, pasobra locual cu nos ta haci ta bay contra e palabra di Dios.
Nos por vence stress y depression , usando palabra di Fe y sabiduria , cual lo fortalese nos confiansa den Dios, por ehempel:
Mi Dios nunca ta lagami bandona.
Hamas lo E laga e husto desampara.
Mas grandi ta esun cu ta den mi , cu esun esun cu ta den mundo.
Den Cristo mi ta mas cu vencedor.
Ken por separa nos for di amor di Cristo.
Esnan cu spera den Señor lo tin forsa renoba.
Ora mi tin miedo lo mi confia den bo Señor.
Abo lo warda den paz perfecto esnan cu ta confia den Bo.
Esnan cu spera den Señor lo tin forsa renoba,
No laga nos cansa di haci bon pasobra den Su tempo nos lo cosecha si nos no desmaya. Tira tur bo carga nan riba Señor y E lo sostenebo nunca e lo permiti e husto wordo movi.
Den bo cas como mayor , pidi Dios pa e por usa abo como un Fuente di sabiduria y bondad, pasobra dilanti di Señor esnan cu ta practica maldad lo no tin sosiego, si nan no arepenti.
Ora bo practica bondad lo bo ta manera un luz den bo famia, un Fuente di conseho y confiansa, pa asina pa medio di bo como mayor Dios glorifica Su mes den bo hogar
Ta para scirbi den e buki di Santiago of Jacobo capitulo 1 vers 3 : Ma si cualkier hende ta falta sabiduria laga e pidi Dios kende ta duna na tur hende generosamente y sin reproche esaki lo wordo duna na dje.Pero e mester pidi cu Fe y no duda.
Stress ta wordo venci cu Fe , Sabiduria, y Confiansa den Dios , depression mester cay pa medio di oracion, nos no tin di laga nada crece y bay den extremo, pero nos a mustrabo caba cual ta e palabra nan di sabiduria di Dios, cu bo por domina stress y depression y pa medio di oracion elimina nan completamente.
Usa e palabranan di sabiduria den bo cas, proclama y profetisa e palabra di Dios riba bida di bo yuinan y asina Dios mes lo tuma encargo di tur cos , no lubida locual Dios a priminti den Mateo Capitulo 11 vers 28.
