Trahadónan di e departamento di Salubridat Públiko ta yama atrobe tur hende ku a hasi un tèst di PCR den e kaya di tèst. Durante e investigashon di fuente i kontakto, e trahadónan ta hasi un persona kontagiá mas pregunta tambe. Personanan ku a tèst den e kaya di tèst, no ta haña un meil mas ku e resultado di tèst. E departamento por bèl hende atrobe tokante un resultado di tèst positivo òf negativo komo ku e kantidat di kontagio ta baha.
Salubridat Públiko ta kontentu ku trahadónan por yama atrobe personanan ku a tèst. Den práktika ta resultá ku personanan ku a tèst ta apresiá si nan por hasi un trahadó pregunta despues ku nan a tende e resultado. E departamento ta trata na yama tur hende ku a tèst dentro di 24 ora despues di e tèst. Ta importante pa personanan ku tèst ta tene nan telefòn bon na bista e dia ku a tèst i e dia siguiente. Den pasado a sosodé ku no por a haña kontakto ku personanan ku a tèst na e momentu ku a yama nan tokante nan resultado di tèst.
Awor a amplia e investigashon di fuente i kontakto atrobe. Esaki ta nifiká ku ta hasi e persona kontagiá mas pregunta. Ku e investigashon di fuente i kontakto mas amplio, e departamento ta haña mihó bista kon e kontagionan ta plama.
Un persona ku a tèst positivo mes mester informá habitantenan di su kas i kontaktonan estrecho. E persona akí ta haña di Salubridat Públiko un karta ku informashon pa habitantenan di su kas i kontaktonan estrecho. Den e karta tin informashon ki ora habitantenan di kas i kontaktonan estrecho mester bai den karentena i tambe ki dia nan mester tèst.
Bo tin keho? Yama 0800 0800 pa traha un sita pa tèst. Òf hasi un tèst propio. Resultado di e tèst propio ta positivo? Yama 0800 0800 i tèst di nobo pa ta sigur si bo tin corona. Bo no a pasa e anguanan di corona i e angua di buster? Yama 0800 0900 pa un sita. Tur djasabra tambe di 090:00 – 14:00 bo por pasa e anguanan di corona òf e angua di buster sin sita.
