Den un nota mas alegre, nos ta comparti den nos relato awe, algo bunita di un fabuloso concierto di piano “Chopin & Statius Muller” cu e talentoso pianista hoben adulto Alexander Kraft van Ermel, cu ta nieto di e gran pianista Wim Statius Muller, awe den felis memoria. Nos ta corda con bunita Wim a toca piano companja e.o. nos cantante di opera local Tica Giel den Cas di Cultura varios anja pasa. Lady Ruth a sinja scucha y gusta musica clasico den anjanan setenta, tempo ela cuminsa traha den radio difusion como locutora y presentadora di noticia y programa di mucha e.o. na Radio Kelkboom, cu despues a bira “The fantastic Master of sound” na 106.7 riba banda FM. Awendia conosi y bon scucha como “The“Heart Radio”. Nos a tende di Vivian Lampe, yui muher di Juan Chabaya “Padu”Lampe cu lo tin un concierto di piano den Cas di Cultura y nos a dicidi di bay scucha. Sin sa kiko pa spera. Oh, e programa e anochi ey tawata asina bunita ! Scuchando cu mi alma bailando. Mi mente na paz y mi curason inspira !
Un hoben adulto di solamente 28 anja di edad, Alexander Kraft van Ermel tawata e tremendo artista pianista y a presenta un super dushi programa refresca cu musica di Frederic Chopin – Nocturne , Mazurka’s, Scherzo – Wim Statius Muller – Antillean Dances. E publico a keda encanta y inspira pa tur e musicanan aki, toca cu curason y dedenan bendiciona cu tawata un cu e tenglanan di piano den un bay bin manera supla di biento fresco. Bo tawata wak y sinti e bunita emocionnan ! E talentoso pianista Alexander mes a duna splicacion di e temanan cu ela presenta y e publico den un sala bastante bon yena, teniendo cuenta cu e reglanan di DVG pa cu Covid, a scucha cu hopi atencion, laga cada nota cariacia nan oido cu e dushi melodianan suave y duro, poco poco y liher of expresionnan di sorpresa den combinacionnan magico cu ta sali for di e piano, firme y elegantemente para meymey di stage den lus, cu e cortinanan pisa scur su tras tambe como testigo di e fantastico y unico presentacion di Alexander Kraft van Ermel.
Manera bunita amiga stima di Vivian, Sra. Margareth Hagens a bisa: Alexander ta pinto su welo Wim Statius Muller. E sa, e a bay hopi concierto di Wim Statius Muller. Nos pensamentonan a dual bay tambe na Padu Lampe, nos dushi Padu cu su estilo liber, sin lesa nota musical “untaimed” cu hopi salo cu peper’ y su collega dfm tambe, Wim Statius Muller cu su mesun estilo mas rafina, ballroom style, fantasticamente bunita ! Pero bunita y unico ta tambe, e pic cu nos a saca di Vivian “Vichy” Lampe mes hunto cu Alexander Kraft van Ermel, dos pianista cu tambe nan mesun estilo unico y impactante, tur dos cu nan mesun passion ! Tur cu amor pa toca piano ! Lady Ruth a hanja falta di pianistanan Albert Croes y Johnny Croes den e publico.
“Lieve Alexander Kraft van Ermel, dank je wel voor het delen van jouw mooi talentvolle piano spelen vol passie en liefde op Aruba voor ons. Je lieve Opa Wim Statius Muller vergeten we niet .Pianist Juan Chabaya “ Padu” Lampe en Wim Statius Muller, allebei nu dichter bij hart en ziel.
Samen ook met Vivian, dochter van Padu , en jij Alexander, kleinzoon van Wim, jullie maken veel mensen blij met jullie piano muziek. Toen en nu kwamen samen naar voren, samen als een geheel. De zonnestralen van liefde hebben wij gevoeld en gezien door de wolken van de Covid virus. Jullie zijn als medicijn voor hart en ziel. God bless you ! We love you too !!!
