Kiko gobièrnu anterior a hasi ku e fondo aki?
E situashon di refugiadonan Venezolano mester di debido atenshon di gobièrnu di Korsou pa yega na un
solushon pa e problemátika aki, ku ta perhudikando nos pais internashonalmente.
Kòrsou ta ser tildá dor di Hulanda di ta hiba práktikanan inhumano ku refugiadonan,
spesialmente personanan di nashonalidat Venezolano ku ta drenta nos pais di forma ilegal via di
nos kostanan, ku mester wòrdu vigilá dor di Wardakosta. E problema aki ta di tal índole ku
Kòrsou mester yega na un solushon mas pronto posibel, mirando e kantidat grandi di
refugiadonan Venezolano ku ta drenta nos pais.
Hulanda ta pone preshon, pero ta bon na altura di e situashon i a bin ta duna sosten for di aña
2019 pa Kòrsou komo pais outónomo yega na lei, maneho i prosedura pa atendé ku
refugiadonan. Kòrsou, kontrario na Hulanda no ta mará na e tratado internashonal di refugiado
Oropeo, pero komo pais den reino ulandes nos no por sera wowo pa e krísis humanitario ku nos
ta keda konfrontá kuné di nos bisiñanan Venezolano.
Ta for di 2018 “Amnesty International” a aserká Hulanda riba e situashon deplorabel di
refugiadonan Venezolano riba nos isla, pero e gobièrnu(nan) di turno no a hasi kaso te ku e
situashon a sali kompletamente for di man. Awor organisashonnan internashonal ta mustra dede
riba Kòrsou, komo un pais ku ta violá derechonan humano.
E kamerbrief ku staatssecretaris Raymond Knops a manda tweede kamer 22 di yanüari último , ta
referí na e motie di e miembro Koekkoek fecha 26 oktober 2020.
Den e motie ta keda menshoná e palabrashon hasi entre Hulanda, Aruba i Kòrsou durante e
periodo 2018-2021.
Tambe palabrashonnan di e.o; trahamentu di un edifisio riba e tereno di SDKK ku tin fungi
komo internaat temporal (vreemdelingenbewaring) pa refugiadonan. Posibilidat modulo dirigí
riba formashon adekuá adekuá pa atendé ku refugiadonan. Un maneho pa Alabes mester tin
asistensia hurídiko un Wetgevende Jurist lokal ku eksperensia amplio. E parti di kuido médiko,
reglanan di kas vigente, diferente posibilidat pa rekreashon durante dia, tabata e eksigensianan i
kondishonnan pa por risibí e medionan finansiero.
Wilhelminaplein 4 ▪ Willemstad ▪ Curaçao
telefon +599 9 434-6000 ▪ fax +599 9 461-4491 ▪ e-mail: info@parlamento.cw ▪ website: www.parlamento.cw
P A R L A M E N T O D I K Ò R S O U
Parliament of Curaçao Parlamento de Curazao Staten van Curaçao
Sigur tumando nota ku fondo i sosten inmaterial a keda duna pa atendé esaki debidamente. Pa e
motibu aki no por komprondé kon gobièrnu anterior no a atendé e problemátika manera akordá.
Awe den komienso di aña 2022, e gobièrnu aktual a heredá un problema mas i pueblo i mundu ta
spera pa gobièrnu atendé e problemátika aki na un manera serio, humano, korekto i efisiente. E
inkietut di mas grandi ta: kiko gobièrnu anterior a hasi ku e fondo i sosten risibí for di aña 2019?
Segun korespondensia resien di gobièrnu Hulandes, por konkluí ku fondo i yudansa lo mester
tabata “in place” den forma material i tambe inmaterial
Hulanda a pone miónes di euro disponibel for di aña 2019 pa atendé ku alohamentu i proseder di refugiadonan
