10 di januari 2022 ta un dia hopi grandi pa Heintje Ras y mundo di museo aki na Aruba. 100 dia atras Hentje a dicidi di tuma un reto y awe e la cumpli cu ne su meta ta cumpli. Sinembargo esaki ta mustra e balentia cu Heintje tin y na momento cu e tin fe y forsa di boluntad, bo por logra alcansa tur loke bo ta propone bo dilanti.
Ta keda demostra perseverancia y determinacion den e hazaña di Heintje Ras cu a cumpli cu su 100 dia den e Mina pa cumpli cu su meta di e cosntruccion di e Mega Museo pa Aruba y alabes ta bati record mudial. Su famianan , amigonan y esnan cu a kere den dje a apoya heintje cu su meta cu e la logra. Awe por bisa cu e la Sali cu un alegria di por a aporta di e manera aki na su pais pa asina e por logra haya un Mega Museo. Heintje su prome palabra nan ta mixto unda cu e tin duele di laga e luga pero na e mes un momento kier bay cas serca su famia. Tambe Heintje ta duna di conoce cu den e 100 dianan cosnan bon a pasa pero tambe cosnan menos bon. E mina tin su historia y awor e lo por conta den un buki cu pronto e lo saca u conta tur loke cu e la pasa aden y kico tur e la confronta su mes den e 100 dianan cu e tabata eybao. Aruba por spera cu pronto aki paar di luna heintje lo saca su buki y conta su historia di 100 dia den mina di fosfaat na Aruba cu e la haci un record mundial y a pone Aruba na halto internacionalmente. Heintje su meta ta pa Aruba por logra haya su mega museo.
