Realisá metanan, ku un mente positivo
Mi ke kuminsá na desea tur habitante di Boneiru un felis aña nobo yená ku bendishon i prosperidat. Un aña nobo ta trese oportunidat nobo. Ta e momentu pa wak dilanti, fiha nos soñonan, i traha ku mas fervor i motivashon riba nos metanan.
Nos tin komo meta, pa sòru pa mas i mihó oportunidat pa tur siudadano, pa rekuperá for di e krísis ku un ekonomía salú i pa tin un gobernashon stabil ku bon servisio na pueblo.
Pa logra un meta, mester di dos ingrediente klave: Un mente positivo i bon kolaborashon ku otro. Tin un dicho ta bisa: “Si bo ke kore lihé bai bo so, pero si bo kier yega leu bai ku huntu ku otro.” Realisá ku nos tur mester di otro. Boneiru tin nesesidat pa tur habitante traha huntu, pa nos por yega leu i ta e isla ku nos tur por ta orguyoso di dje.
Un komunidat di hendenan amabel i di bon kondukta
Nos poblashon mester biba bon ku otro i uni forsa pa logra meta.
Tòg mi ta mira último tempu un divishon den nos komunidat. Ta uza media pa lansa atakenan personal, simplemente pasobra un persona kisas no ta pensa meskos ku nos. Mas i mas nos ta mira tambe atake riba hendenan ku a bin biba akí di otro kaminda i tambe di otro banda gruponan di afó ku no ta komprondé i respetá e deseonan di progreso ku e boneriano tin.
Boneiru ta un dushi isla kaminda hopi nashonalidat ta biba huntu. Klaro ku aki tambe tin hende ku no ta komportá nan mes nèchi. Den kaso asina, no mester generalisá ni aktua for di rabia. Atendé ku e kaso spesífiko. Ta bon pa ta krítiko, pero no por ta asina ku ta kritiká pa kibra hende. Ban duna bon ehèmpel i demonstrá e bon kondukta ku semper a distinguí nos komo hende. Laga nos ta un komunidat kaminda tur habitante ta sinti nan mes na kas i ta traha uní pa adelanto di nos isla.
Nos gobièrno ta konsiente sí di e preokupashon ku ta biba den nos komunidat. P’esey nos ta boga pa e desaroyo di Boneiru ta bon manehá, pa kuida nos outentisidat i kultura. Nos a tuma entre otro e desishon pa frena konstrukshon nobo pa turismo pa un temporada. Ku esaki nos ke enkurashá tambe mas konstrukshon di bibienda, pa bini mas kas pagabel pa nos komunidat. Den 2022, nos gobièrno ke sigui guia Boneiru su desaroyo den bon direkshon, pa mayan nos por mira bèk riba un adelanto ku ta benefisia nos komunidat i e habitante di Boneiru na promé lugá.
Mi ke enkurashá abo tambe pa tuma e oportunidat ku e aña nobo akí ta dunabo. Laga nos saka man yuda otro, hasi esfuerso pa huntu nos por realisá nos metanan i soñonan. Ban traha huntu pa konstruí e bida ku nos ta soña kuné. Ban biba un bida ku di bèrdat nos por ta orguyoso di dje i ku ta inspirá otronan tambe pa realisá nan metanan.
Huntu nos ta krea un dushi Boneiru pa nos tur. Ban laga esaki ta nos meta pa 2022 i tur aña despues.
#####################################################################
NED
Een nieuw jaar – het moment om doelen te stellen en elkaar de hand toe te reiken
Doelen realiseren met een positieve instelling
Ik wil beginnen met alle inwoners van Bonaire een gelukkig Nieuwjaar toe te wensen met veel zegen en voorspoed. Een nieuw jaar brengt nieuwe kansen met zich mee. Dit is het moment om vooruit te kijken, ons te richten op onze dromen, en met frisse moed en gedrevenheid aan onze doelen te werken.
Ons doel is om ervoor te zorgen dat er meer en betere kansen komen voor alle inwoners, om met een gezonde economie uit de crisis te komen en te zorgen dat er een stabiel bestuur is met een goede dienstverlening aan de bevolking.
Om een doel te bereiken heb je twee cruciale ingrediënten nodig: Een positieve instelling en goede samenwerking. Er is een gezegde dat luidt: ‘Als je snel wil gaan, ga alleen. Als je ver wil komen, ga samen.’ Laten wij ons realiseren dat wij elkaar nodig hebben. Bonaire heeft de samenwerking van al haar inwoners nodig, zodat wij ver kunnen komen en om het eiland te zijn waar wij allemaal trots op kunnen zijn.
Een samenleving van fijne mensen met voorbeeldig gedrag
Onze bevolking moet fijn met elkaar samenleven en de krachten bundelen om doelen te bereiken.
Toch zie ik de laatste tijd een verdeeldheid binnen onze samenleving. Via de media worden persoonlijke aanvallen geplaatst, soms puur omdat een persoon misschien anders denkt als ons. Wij zien ook steeds meer aanvallen op mensen die hier uit een ander land zijn komen wonen. Anderzijds zien wij ook groepen van buiten ons eiland die de wensen van de Bonairiaan om vooruit te komen niet begrijpen of respecteren.
Bonaire is een prachtig eiland waar veel nationaliteiten samen leven. Vanzelfsprekend zijn er ook hier mensen die zich niet netjes gedragen. In die gevallen moeten wij niet generaliseren of vanuit boosheid handelen, maar het specifieke geval bekijken. Het is goed om kritisch te zijn, maar het kan niet zo zijn wij met kritiek aanvallen om mensen af te breken. Laten wij het goede voorbeeld geven en het goede gedrag laten zien, waardoor wij ons altijd als mens hebben onderscheiden. Laat ons een samenleving zijn waar alle inwoners zich thuis voelen en eensgezind werken aan de vooruitgang van ons eiland.
Ons eilandbestuur is zich wel bewust van de zorgen die in onze gemeenschap leven. Daarom zetten wij ons ervoor in dat de ontwikkeling van Bonaire goed begeleid wordt om onze authenticiteit en cultuur te waarborgen. Wij hebben onder andere het besluit genomen om nieuwe bebouwing voor toerisme tijdelijk te beteugelen. Hiermee willen wij ook het bouwen van meer woningen aanmoedigen, zodat er meer betaalbare huizen komen voor onze samenleving. In 2022 wil ons eilandbestuur de ontwikkeling van Bonaire in een goede richting blijven leiden, zodat wij in de toekomst terug kunnen kijken op een vooruitgang die in het voordeel is van onze samenleving en in de eerste plaats van de inwoner van Bonaire.
Ik wil ook u aanmoedigen om de kans te grijpen die dit nieuwe jaar u aanreikt. Laten wij elkaar de hand reiken en ons inzetten om gezamenlijk onze doelen en dromen te kunnen realiseren. Laten wij samen gaan werken om het leven waar wij van dromen op te bouwen. Laten wij een leven gaan leven waar wij werkelijk trots op kunnen zijn en dat anderen inspireert om ook hun doelen te bereiken.
Samen creëren wij een dushi Bonaire voor ons allemaal. Laat dit ons doel zijn voor 2022 en alle jaren daarna.