Eagle Eye Media a produsí un video kaminda ta gradisí Hulanda. Meta di e video akí ta pa gradisí gobièrnu di Hulanda i tambe komunidat di Hulanda pa nan kuido, solidaridat i tambe sosten ku nan a duna na pueblo di Boneiru durante e pandemia di Covid-19.
E idea a bini for di pastornan Carlos i Denise Brunk pa krea un video pa asina gradisí e frontlinernan pa nan tremendo aporte durante di e pandemia di Covid-19.
Gabinete di Gezaghèber ta kontentu ku a yega na e idea aki i ta sostené e proyekto pa trese tur frontlinernan den spòtlait. Entidat Públiko Boneiru ta trahando pa den e aña binidero estrená un video di yama danki na Boneiru i tur habitante di Boneiru ku a kontribuí di un manera òf otro durante di e pandemia di Covid-19.
