02.00 melding a drenta via Central di Polis cu na un cas na Rooi Bosal un yiu lo a tira y hinca su tata.
Na e yegada di patruya a e personanan na dicho cas a conta patruya cu enberdad un yiu cu ta biba den un appartement na dicho cas tabatin un discusion cu su tata y despues di esaki e lo a los un tiro den su direccion y despues propine un hinca.
E yiu mes a hinca e tata den auto y transporte pa hospital.
Departamento Tecnico di Cuerpo Policial, Recherche Santa Cruz (DAR4) y Slachtofferhulp a bay na e sitio.
Na yegada na hospital e homber no tabata duna señal di bida mas.
02.25 dokter a constata morto di e hende homber Eugenio C. Mathilda di 54 aña di edad.
Na hospital mes a detene e sospechoso J.M. y a transporte pa warda pendiente di mas investigacion.
Cuerpo Policial ta manda palabra di condolencia na e famia di e fayecido.