.
E servicio nobo di Ferry Makana na Saba a cuminsa for di prome di December. Pa por a celebra esaki a haci un viaha for di Saba pa st Eustatius . E servicio di ferry lo ta entre e islanan di St Maarten,St Eustatius y Saba unda cu e compania Blues and Blues Ltd di Anguila lo maneha esaki.
E ferry tin un capasidad hopi halto y un bon velosidad y ta hiba 150 stoel. Dia 3 di december ultimo a haci uzo di e fery aki pa asina mas hende por yega pa e celebracion di dia di Saba y e orarionan cu e ferry tabata uza tabata diferente, pero despues di e celebracion a ahusta e orarionan regular cu e viahenan ta keda tuma luga.
Sinembargo pa esnan cu ta interesa den e servicio di ferry Makana por haya hopi mas informacion di prijs y orarionan cu ta core riba e website www.makanaferryservice.com. Tambe por haci reservacion pa e viahenan. Actualmente st Eustatius y Saba su tin viahe , pero cu ta programando pa por logra pa st. Kitts tambe por keda agrega riba e lista pronto.
Tambe tur e reglanan di Covid -19 ta keda valido pa asina keda tuma precaucion pa e situacion di COVID na tur e islanan. E servicio nobo di ferry ta posibel bao di e acuerdo cu a keda haci y e fondonan cu ta keda duna ta Sali for di ministerio di infrastructura y awa I7amp;W di Hulanda cu a duna un yudansa di 2 miyon di euro pa uza durante e dos prome añanan cu a ferry ta funcionando pa asina por haci posibel un acuerdo oblicatorio di servicio publico (PSO). Awor e islanan di Saba , St Eustatius, St Maarten y pronto St Kitts lo por disfruta di un otro manera di viahe entre e islanan.
