Empleadonan di Entidat Públiko Boneiru a parti tishùrt na akohida pa mucha ku e teksto ‘Bo bida ta den bo man. Laba nan.’ Na skol básiko a parti poster ku e lema akí riba dje i a kologá nan.
Ku e kampaña akí Entidat Públiko Boneiru ke konsientisá nos muchanan, nan guianan i nan mayornan kon importante ta pa regularmente laba man bon. Sigur den e tempu akí. Último simannan hopi mucha a pega ku e vírùs na skol i na akohida pa mucha. Na akohida pa mucha e muchanan a haña e tarea pa den nan ambiente duna bon ehèmpel labando man regularmente ku awa i habon.
Riba djasabra 20 di novèmber, Dia Internashonal pa Derecho di Mucha, ofisialmente a lansa e kampaña ‘Bo bida ta den bo man. Laba nan.’ E dia ei pa promé biaha a mustra e videoclip ‘Laba bo man’. Ito Martis a produsí e klep akí, el a komponé e músika tambe. A graba e klep ku alumnonan di Enseñansa Avansá Spesial Klùster 3.
No ta promé biaha ku Entidat Públiko Boneiru ta dirigí su mes spesialmente riba mucha i hóben. Aña pasá na 50 sitio pa akohida di mucha a pone bòrchi. A hasi un yamada riba mayornan pa yuda nan yunan ora di laba man. E aña akí a lansa BanSkolBèk#BonBakuná pa enkurashá hóbennan pa bai pasa angua kontra corona na kuminsamentu di aña eskolar. E aña aki a graba e klep ‘Ban bakuná’ tambe pa hóbennan adulto.
####################################################################
NED
Campagne ‘Bo bida ta den bo man. Laba nan’ bij kinderopvang
Medewerkers van het openbaar lichaam Bonaire hebben T-shirts bij de kinderopvang uitgedeeld met de opdruk ‘Bo bida ta den bo man. Laba nan.’ Op de basisscholen zijn posters met de slogan uitgedeeld en opgehangen.
Het openbaar lichaam Bonaire wil met deze campagne kinderen, hun begeleiders en de ouders bewust maken hoe belangrijk het is om de handen regelmatig goed te wassen. Juist in deze tijd. De afgelopen weken zijn er op scholen en op de kinderopvang veel kinderen besmet geraakt. Bij de kinderopvang hebben de kinderen de opdracht gekregen om hun omgeving het goede voorbeeld te geven door de handen regelmatig met water en zeep te wassen.
Op zaterdag 20 november, de internationale dag voor de kinderrechten werd de campagne ‘Bo bida ta den bo man. Laba nan’ officieel gelanceerd. Toen werd voor het eerst een videoclip ‘Laba bo man’ getoond. Deze clip is door Ito Martis geproduceerd, hij componeerde ook de muziek. De clip is met leerlingen van het Voortgezet Speciaal Onderwijs Cluster 3 opgenomen.
Het is niet voor het eerst dat het openbaar lichaam zich speciaal op kinderen en jongeren richt. Vorig jaar zijn bij 50 kinderopvangplaatsen borden neergezet. Ouders werden opgeroepen om hun kinderen te helpen bij het wassen van de handen. Dit jaar werd de BanSkol- Bèk#BonBakuná gelanceerd om jongeren aan te sporen om aan het begin van het schooljaar de coronaprik te halen. Ook werd dit jaar de ‘Ban bakuna’ clip opgenomen voor jong volwassenen.
