Resientemente señor Edison Ellis i señor Edwin Domacassé, ambos miembronan di Konseho Insular pa partido Movementu di Pueblo Boneriano (MPB), a risibí nan sertifikado di ‘Public Speaking’ (papia dilanti di un públiko) despues di a terminá e kurso aki ku éksito.
E dos konsehalnan a sigui e kurso di ‘Public Speaking’ serka e kompania ‘Eagle Eye Media’ ku ta bou di direkshon di señor Jefferson Rosalia. E mes persona aki a duna e kurso i na final a hasi entrega di e sertifikado na e dos miembronan di Konseho Insular komo prueba ku nan a finalisá e kurso eksitosamente.
Durante di e kurso señor Rosalia a trata diferente tópiko ku e partisipantenan ku e meta pa yuda nan krese den nan abilidatnan ora di duna un presentashon i papia dilanti di un públiko. E temanan ku a pone enfoke riba dje durante di e kurso tabata entre otro: kon pa prepará i presentá un diskurso, artikulashon, dominio di nèrvio, kontakto di wowo ku e públiko i apariensia di e persona ku ta duna un presentashon.
Na final di e kurso ambos konsehal a indiká den nan evaluashonnan ku e kurso di ‘Public Speaking’ tabata hopi bon: nan a siña hopi i sigur nan a krese den nan abilidatnan kon pa presentá i papia dilanti di un públiko. E loke ku mas nan a siña di dje ta kon pa ta nan mes durante di un presentashon, kon pa kontrolá nan mes durante di un presentashon i kua ta e manera korekto pa hala rosea na momento ku nan ta papia.
Señor Ellis i señor Domacasse ta hopi entusiasmá i nan a duna di konosé ku awor ku nan a finalisá e kurso aki, nan ta kla pa nan presentashonnan den Konseho Insular.
XXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXX
NED
Eilandsraadleden Edison Ellis en Edwin Domacassé hebben de cursus ‘Public Speaking’ succesvol afgerond
Recentelijk hebben de heren Edison Ellis en Edwin Domacassé, beide leden van de Eilandsraad voor de partij ‘Movementu di Pueblo Boneriano’ (MPB), hun certificaat ‘Public Speaking’ (spreken voor een publiek) ontvangen na deze cursus met succes te hebben afgerond.
De twee eilandsraadleden hebben de cursus ‘Public Speaking’ gevolgd bij het bedrijf ‘Eagle Eye Media’ dat onder leiding staat van de heer Jefferson Rosalia. Hijzelf heeft deze cursus gegeven en aan het einde heeft hij het certificaat uitgereikt aan de twee leden van de Eilandsraad als bewijs dat ze de cursus succesvol hebben afgerond.
Tijdens de cursus heeft de heer Rosalia verschillende onderwerpen behandeld met de deelnemers met als doel om hun te helpen groeien in hun presentatie- en spreekvaardigheden voor een publiek. De thema’s waar de nadruk op werd gelegd tijdens de cursus zijn onder andere: hoe een toespraak voor te bereiden en te presenteren, het articuleren, zenuwbeheersing, oogcontact met het publiek en de uiterlijke verschijning van degene die een presentatie geeft.
Aan het einde van de cursus hebben beide leden van de Eilandsraad in hun evaluaties aangegeven dat de cursus ‘Public Speaking’ heel erg goed was: ze hebben veel geleerd en ze zijn zeker gegroeid in hun presentatie- en spreekvaardigheden voor een publiek. Datgene waar ze het meeste van hebben geleerd, is hoe ze tijdens een presentatie zichzelf kunnen zijn, hoe ze zichzelf kunnen beheersen tijdens een presentatie en wat de juiste manier is om adem te halen tijdens het spreken.
