Saba a celebra un momento remarcabel e siman aki, cu apertura oficial di Saba Splash, c uta un planta di boter di awa. Na e planta nobo, boternan di awa di 3 y 5 galon lo wordo yena usando un sistema sumamente moderno c uta produci awa di bebe saludabel, sigur y pagabel, proveendo e necesidad básico pa e hendenan di Saba. E planta di awa den boter a wordo construi cu financiamento di Ministerio di Infrastructura y Maneho di Awa (IenW).
Apertura di Saba Splash Bottling Plant ta un logro significante, asina comisionado di Infrastructur y Asuntonan di Awa Bruce Zagers a bisa den su discurso. “No solamente esaki ta trece nos un stap mas cerca pa finalisa e meta inicial di mehora calidad y cantidad di awa pa Saba, pero tambe e ta crea un oportunidad pa Gobierno di Saba provee awa di bebe di calidad. Y cu esaki ta produci localmente na un prijs pagabel pa nos hendenan.” Na mesun momento, e planta lo sigui cu e ambicio di e isla pa ta mas independiente y sostenibel.
Na e planta di awa Saba Splash, 160 boter di 5 galon por wordo yena pa hora, y 180 boter di 3 galon pa hora, e gerente di planta Oscar vand er Kaap a splica. Pero prome cu e yega na yenamento di e boternan, un sistema completamente automatiza, un mashin completamente hygienico ta pasa e awa den un sistema extenso, sigur y saludabel.
E awa ta bini di e planta di awa reverse osmosis (RO) na Fort Bay, via di e pipa, y ta bay den un cisterno grandi. For di eynan, e awa ta yega den e edificio unda cu e ta pasa via di un Sistema di filtro moderno,, djei via di filtronan RO, un sistema ultravioleto c uta mata tur bacteria. Den e fase aki, ta agrega magnesium y calcium, cu ta na beneficio di saluda di e hendenan y cu no tin den ningún otro marca di awa den boter.
E awa despues ta pasa via di un mashin ozon pa desinfecta sin chloro prome cu warde den un tanki grandi. Ey ta haci e testnan necesario c uta bay un laboratorio na St. Maarten. Unabes cu e Lab duna luz verde, e cargamento di awa ey ta wordo poni den boter.
Saba Splash ta un di unico plantanan di awa den boter den Caribe cu ta uza e “ozonating system” y e unico cu un Sistema di yena boter completamente automatiza, Van der Kaap a splica.
E operación lo cuminsa di forma regular e luna aki.
