Saba ta kere cu e temporada cu ta bay cuminsa lo ta uno positivo, cu capacidad extra tanto via marítimo como aéreo yegando e isla cuminsando dia 15 di november. Eliminacion di e testnan di COVID pa esnan completamente vacuna entrante 15 di november lo trece mas visitante.
Bishitantenan diario por haci uzo di e ferry The Edge cu ta cuminsa e biahenan diario for di St Maarten pa Saba entrante 16 di november. Riba diaranson y diabierna The Edge lo sali di St Maarten pa Saba pa 9’or di mainta. E biahe di regreso lo ta pa 3.30 di atardi e mesun dia.
Mientras cu e temporada ta progresa, The Edge lo evalua si ta agrega un dia extra riba diadomingo. Bou di e actual Schedule, cu lo cuminsa dia 15 di november, The Edge ta yega Saba riba diabierna y diadomingo merdia y bolbe St. Maarten, e siguiente mainta. Pronto lo tin mas información di esaki.
Pronto lo yega tambe e ferry Makana, cu lo brinda servicio entre Sint Maarten, Saba y St. Eustatius.
Windward Islands International (Winair) lo agrega mas vuelo riba e ruta St. Maarten-Saba route cuminsando 15 di November ora cu e schedule di winter drenta na vigor. Nan lo bula tres biaha pa dia pa Saba. Aworaki Winair ta realisa dos vuelo pa dia, cuatro biaha pa siman. Sint Maarten Airways lo sigui ofrece vuelonan charter priva.
Entrante 15 di November awo, personanan completamente vacuna for di paisnan di alto riesgo biahando pa Saba via di boto of avión pa un dia, no mester di demostra un test negativo di COVID mas. Pero si nan lo mester yena e formulario di EHAS Saba 24 ora prome cu nan salida, y bista un fase mask durante nan bishita, specialmente paden y den areanan cu hopi hende.
Comisionado di turismo Bruce Zagers a bisa cu e pronostico aki ta mustra prometedor, ya cu e cantidad di bishtitantenan lo aumenta. Aunke cu lo tuma algun tempo pa bay na e cifranan di antes y recupera, e temporada nos dilanti ta mustra positivo cu lo yuda nos sector turístico y economia en general, el a bisa.
“Saba ta hopi contento pa ricibi e bishitantenan diario pa un dia placentero, buceo, bishita restaurantnan, explora e isla y e barionan. Nos ta mira cu anhelo pa sigui expande loke nos tin di ofrece. Saba ta sigui mira interés cerca bishitantenan cu ta di vacacion na e islanan den cercania. Biahenan di multidestinacion probablemente lo bira mas popular, awo cu e suavisa e reglanan di entrada. Mas ainda cu e aumento di capacidad marítimo y aéreo,” director di Turismo Malinda Hassell.
Information about Saba, as well as the EHAS application, can be found on: www.sabatourism.com
