Agrikultura pa Boneiru ta un nesesidat mirando kuantu Boneiru ta dependé di importashon i ku tur e sirkunstansianan ku seramentu di frontera ku Venezuela i Covid a trese kuné. Esaki diputado James Kroon a trese dilanti na apertura di e Dia Habrí ku tabatin na LVV.
Di parti di Entidat Públiko Boneiru e ta sumamente kontentu ku e desaroyonan nobo ku tin na LVV. Tambe pa tur e kunukeronan i asosiashonnan ku a pone nan mes huntu pa logra esaki. Diputado a trese dilanti ku no a lubidá riba e piskadónan mirando ku ainda nan no ta mirando gran kos den nan direkshon. Tur kos ta kanando pokopoko pero sigur i ku pronto por mira desaroyo riba tereno di peska tambe.
Diputado James Kroon a felisitá tur trahadó di LVV i kolaboradornan huntu ku Maurice Adriaens. Nan ta pone ku tin un LVV nobo ku pokopoko pero sigur por planta i produsí nos propio kuminda. Diputado Kroon tambe a duna un kontribushon na LVV. Ela entregá lider di e proyekto di LVV Maurice Adriaens dos palu di awakati ku diputado huntu ku su señora a planta na kas.
