Segun por a compronde a tuma e decison pa sera tanto cosecha Oranjestad y San Nicolas, debi e financiamento pa e parti operacional di Cosecha, di parti di APA, no ta posibel mas awor, y tampoco den futuro.
Informacion extra oficial cu ta dispone di dje ta bisa cu pronto lo cera Cosecha San Nicolas completo y por lo pronto Cosecha Oranjestad lo ta disponibel pa solamente pa tene Workshops.
Intencion ta pa dia 29 di Oktober proximo na Cosecha Sanicolas tene su ultimo Workshop. Sinembaro muchanan di scol y tambe adultonan ta haci bon uzo di cosecha
Prinsipalmente EPI san Nicolas unda cu awe a tene un workshop , den cuadro di afstudeer project di e studiantenan . E workshop a conta cu participacion di muchanan di Filomena College Basischool.
Riba e potret por mira cu loke e artistanan a uza pa expone nan obra di arte, a keda bashi na Cosecha San Nicolas. Cu esaki lagando un periodo atras cu pa prome biaha arte a haci su entrada na San Nicolas. Forza na tur esnan cu a traha duro pa Cosecha ta loke e ta y awor ta mira cu Cosecha ta pasa pa pasado.
Sinembargo no ta conoci ainda si tin un speransa cu e minister encarga Dangui Oduber ta desea esaki of lo ta sondiando un posibilidad diferente y cu cosecha kisas lo tin un speransa ainda. EAnews a tuma contacto cu director di APA Marc Figaroa y a duna di conoce cu berdad Cosecha tabata ricibi un subsidio di APA abase di un minimo bishitante cruceronan cu APA ta ricibi. Door di COVID no tabatin crucero pa 16 luna largo, dus APA no por a yega esaki den 2020 pa subsidio y tampoco APA lo yega e minimo pa 2021.
Aki no ta trata cu no kier duna e subsidio, pero nos tur ta na altura di e situacion cu e pandemia a trece pa e mundo crucero na Aruba y cu actualmente e subsidio aki no ta posibel lamentablemente.
Potret Hilario Donker
