Awe ta sigur pa famia, konosí e mundu di kultura na Bonaire I Bonaire kompletu un dia di alegria Ta duna rekonosementu na Olimpio Eustacio St. Jago. Eustacio ta mi padrino di boutismo òf manera hopi ta bisa di credo. Credo ta un palabra latin ku ta nifiká kere. Pero den e kaso aki ta kere den Dios.
E konvishon di Eustacio den kere den su talento risisbí di Dios nos por mira den su aporte na kultura boneriano den su kantikanan. Eustacio a kere den kas real i a dediká kantikanan tambe na bishita di famia di Kas real na Rincon.
E dos puntonan aki Katolika i i kere den Kas real a kondusí na rekonosementu na Eustacio den kondekorashon Papal i kondekorashon real.Pa su meritonan riba tereno kultural por mira e diferente rekonosementunan. Ta e partinan kultural, religioso i kere den famia real ta hasi Eustacio un persona di taye ku awe ta bira palpabel den e busto aki. Rincon mester ta orguyoso di tin busto di personanan ku a nifiká pa Rincon,.
Si awendia den e mundu ku ta anhelá pa union, respet i kuido di klima pa un mundu mihó por mira ku ta basha tur busto i estatua di figuranan historiko ku ta laga nos rekorda e e parti negativo ku nan a hasi. Ta bon pa nos mustra ku nos busto i estatuanan ta pa rekordá ku nan a logra hopi kos positivo pa nos isla. Pa tal motibu no ta nesesario adorá ningun busto i estaua pero mira den nan ehèmpel ku nos por sigui. I sigur nos skonde e talento ku kada un di nos haña i aportás na un manera positivo, manera Eustacio na bo bario i Bonaire. Famia St, Jago di kua mi famia ta forma parti Pabien
