Awor mas cu nunca ta nos como ciudadano mester fiha direccion y pa puntra nos mes ‘’ MI PAIS KICO TA MI COMPROMISO CU BO ‘’

Awe diadomingo, 10 di òktober 2021,  Corsou  ta celebra dia di autonomia. Ta importante pa para keto riba e pregunta: Kico ta bo compromiso pa futuro di nos pais? Pais Corsou a dedica fuerte den e parti aki mirando e importancia pa pone bo pais na prome luga. Cu un mensahe positivo gobierno di Corsou ta dedica esaki na Corsou completo.

Corsou ta nos a escohebo of abo a escohe nos como esnan bendishona pa yamabo nan cas. Bo ta yena nos bida cu color,sabor y bo ritmo sin igual. Colornan di arcoiris  den bo cayanan, lama, trahenan y e sabor di bo cushina mes un unico cu bo mes ta. E ritmo di bo idioma, canta y zoya serca bo dia ta habri cu un solo briyante y un aire di biento fresco y atardi ta sera cu un shelo pinta un obra maestro asina simpel desvela cu ta aki na corsou nos ta. No ta importante si nos a nace aki of ta despues nos a conocebo , pero loke ta importante cu bo a tuma nos den bo brasanan manera bo a tuma miles di otro yiu di elu y di serca treciendo nos hunto como ruman di otro. Corsou pa chikito bo por ta bo tin hopi pa ofrece pa esun cu ta tribi sonja y lucha pa alcansa su metanan. No obstante e limitacionnan aki na corsou nos por cultiva nos talentonan. Sinembargo bo no ta priminti nos cu bida ta facil, paso reto tin sigur con nos por percura cu nos tur tin suficiente pa mayan. Loke cu nos mester corda ta con serca di otro nos ta., con nos forsa ta nos union den tempo malo y tempo bon. Si nos kier progresa nos no por laga yun hende atras y nos no por sigui neglisha. Ta nos accionnan ta determina ki futuro nos ta mira hunto pa nos mes y sigiente generacion. Kico ta stroba nos cu ta nos mes, no ta nos mes mester cuida e abundancia cu bo ta comparti. No ta nos mes mester crea mas perspectiva for di e oportunidadnan cu bo ta ofrece. Ta ken lo cosecha bo rikesa y bo potencial., paso ta kico mas bo ta pidi nos  Corsou, cu no ta pa lagabo miho atras di loke nos a bin ta hayabo. Si no ta nos awe ta ken si mayan.

Ta importante pa nos realisa cu ta nos mes ta na timon pa un miho Corsou. Awor mas cu nunca ta nos como ciudadano mester  fiha direccion y pa puntra nos mes ‘’ MI PAIS KICO TA MI COMPROMISO CU BO ‘’