Den Wilhelminastraat for di Cursada di Elmar te na final patras di royal plaza sigui subi riba e caminda principal di LG Blvd por a tuma nota di basta santo basha riba caminda. No ta conoci cua truck of kico por a ocaciona esaki cu tin tanto santo riba caminda, pero e echo ta cu a laga basta santo cay riba henter su ruta. Esaki ta pone na momento cu e truck yega su destinacion no ta yega cu e cantidad di santo na e destinacion. Sinembargo ta importante prome cu cuminsa core mester wak bon si tur e santo ta bon sera y cu e ta bon tapa tambe, den e caso di awe por mira cu berdaderamente e santo no tabata bon sera den e truck. Diferente autonan cu ta pasa ta slip riba e caminda si nan no core cu cautela, esaki sigur ta un trabao grandi pa haci esaki limpi y of basha azeta pa e autonan no slip. DOW lo mester tira un bista y pone esnan responsabel pa cu esaki y haci e cayanan di playa limpi bek.
