Dia 4 di December awor lo tin un torneo grandi organisa door di Sidney Ponson Charity Foundation. UN torneo cu tin un premio GRANDI di 25 mil florin.
Sidney Ponson, un amante di pesca, ta organisa e torneo aki pa recauda fondo y cumpli cu metanan di SPCF, cu ta traha pa hoben- y grandinan. E enfoke no ta solamente deporte, pero ta traha tambe riba tereno di musica, arte y otro areanan.
Botonan di tur tamaño por participa den e evento aki y e piscadonan por participa den categoria di botonan di 32 pia of mas chikito y esnan di 33 pia baya riba. E premio grandi ta un grandslam di 25 mil florin. Tin premio pa esnan cu trece mas pisca aden, cu mas hopi peso, etc.
Pa registra ta fácil. Haci esaki mandando tur bo informacion via un whattsapp na: 5944326 of manda un email pa sidney.spcf@gmail.com. Tambe por subi Foundation page y bay direct riba whatsapp y sidney mes lo atendebo.
