Presidente di sindicato USIBO Boneiro Marvis Abrahames contento cu e convencion di FTA

Den un entrevista presidente di sindicato  USIBO  Boneiro  Marvis Abrahames  a duna di conoce cu un delegacion di 4 persona pa asisti na e convencion di FTA na Aruba  cu ta un di e sindicatonan mas grandi y poderoso.

Esaki tabata di nan 24 convencion cu a tuma luga y  USIBO  Boneiro  tambe mester a presenta nan parti . Tambe tabatin oradornan nacional y internacional . Pa  presidente di sindicato  USIBO Boneiro  Marvis  Abrahames   e punto mas importante cu a bin dilanti  ta flexibilidad di mercado laboral. Esaki ta un parti cu nos tur mester tin hopi atencion riba dje debi cu e ta un situacion tanto na Merca, Hulanda pero tambe den caribe tiki tiki e ta bin dilanti y mester sa como sindicato , pero tambe como gobierno con ta bay deal cu e parti ey.

Sinembargo pa loke ta trata e sindicatonan mes , nos tur ta riba un liña pero mester bay wak e ley y tur e partinan cu ta regarda e parti di flexibilidad den mercado y tambe tur e buraconan cu tin pa cu e flexibilidad.

E congreso di FTA  a bay den un bon ambiente y  a logra bin Boneiro cu 4 protocol firma cu ta dos pa USIBO,  SIMAR y STIMABO cu ta sindicatonan di maestronan y tambe a bin cu un protocol firma entre  FBW y FTA mes.  Esaki sigur ta un logro entre e trabaonan cu e sindicatonan