Segun datonan di Oficina Central di Estadistica, disponibel riba nan website, ta indica cu na 2020 e suma di productonan importa a baha na casi mita di loke a custumbra na 2019. Probablemente esaki ta causa pa e efectonan di pandemia.
E cifra di 2017 ta mustra cu e aña ey Aruba a importa 2,138.9 miyon florin, na 2018 e tabata 2,248.2 miyon hy na 2019 el a bira 2,351.7. E aña siguiente, cu ta 2020, mundo henter a haya nan mes confronta cu e pandemia di COVID-19. Pa e aña ey el a baha te na 1,681.7 cu ta mas cu mita di e total di importación di e aña anterior.
Y Merca ta e país for di unda mas producto ta wordo cumpra. Aunke cu aña pasa importación a cay, for di Merca a importa productonan balora na 882.3, cu tabata rond di e 50% di e total di importación.
Den e informe di Oficina Central di Estadistica (CBS pa su abreviación na Hulandes) nan ta duna un visualización cu informacion di e gastonan total, seguro y carga (CIF) valor di mercancianan importa entre januari, 2016 y juni, 2021.
E importación pa Aruba (Area di liber circulación) y e importacionnan pa Zona Liber, cu ta restringi pa mercado local, ta wordo analisa según importación pa país, actividad económico ISIC y e top cinco seccionnan di importación, di cual esun mas grandi ta auto y tur loke ta relaciona cu esaki.
E importación pa e área di liber circulación na Aruba y Zona Liber, a registra un valor total di importación di 11.3 biyon florin entre januari, 2016, y juni, 2021. Tur esnan cu ta interesa den e datonan specifico por bay riba e website di e departamento menciona y busca den e sección di Foreign Trade Publication (FTS) Tables.
E Foreign Trade Statistics (FTS) 2017-2021 publication, ta contene informacion di importacion pa Aruba y importacion pa zona liber. Por haci un comparacion entre añanan, kwartaal y lunanan den e periodo di 2017 – 2021. E data di e añanan 2017 – 2018 ta final y e datanan di 2019 pa 2021 ta preliminar.
E cifrannan di exportación ta mustra c una 2017 a exporta 84,813.8 for di e mercado di liber circulación, 74,197.9 for di Zona Liber pa un total di 159,011.7 miyon florin na exportación. Pa aña 2020 e cifranan tabata respectivamente 61,378.6 miyon di liber circulación, 56,635.6 di zona liber pa un total di 118,014.2 miyon exporta.
E paisnan for di unda Aruba ta importa mayoría di su mercancianan ta for di Merca, Hulanda, Panama; China; Colombia; Spain; Brazil; Suiza; Mexico; Paraguay; Curacao y United Kingdom.
Por bisa cu e tendencianan general a keda mescos, y e único cambio ta den e cantidad di placa di productonan cu ta wordo principalmente importa.
Y si haci un comparación cu 202, e cifranan a aumento poco den loke ta bay di 2021. E total di importación den termino di peso, a registra un aumento di 97.3% den e di dos kwartaal di 2021 (153.1 mln kg) compara cu e mesun periodo di 202 (77.6 mln kg), mientras cu si ta papia di placa, e total di importación a subi cu 56.9%, for di Afl. 310.2 mln pa Afl. 486.8 mln.
Importacion pa e area di liber circulación di Aruba, den termino di peso, a registra un aumento di 97.4% den e di dos kwartaal di 2021 (151.0 mln kg), compara cu e mesun periodo di 2020 2020 (76.5 mln
kg). Durante e periodo aki, diesshete di e 21 categorianan a registra aumento den termino di peso den importacion pa e area di liber circulacion di Aruba. E aumento di mas grandi a wordo observa pa seccionnan di productonan mineral (66.3 mln. kg), ailmento (3.7 mln. kg), bestianan y otro productonan relaciona cu cria (1.3 mln. kg), berdura (0.9 mln. kg) y otronan (0.8 mln. kg) .
E caida di mas grandi tabata den e seccion di “Works of stone, gypsum, cement, asbestos”
(-0.5 mln. kg), “elementonan di plastic artificial” (-0.3 mln. kg) y “productonan kimico” (-0.1 mln. kg).
Pa loke ta e parti di e balor monetario, a registra un aumento di 52.3% den e di dos kwartaal di 2021, esta (Afl. 461.0 mln) compara cu e mesun periodo di 2020 (Afl. 302.7mln). Tur 21 seccion a registra aumento den termino di balor den e importacion den e seccion di liber circulacion.
E aumento di mas grandi tabata den sección di alimento ” (Afl. 24.5 mln), “bestianan y productonan di cria (Afl. 17.1 mln.), “equipo di transporte” (Afl. 14.8 mln),, etc.