Diamars mainta a tuma luga e ceremonia pa apertura di Aña Parlamentario nobo 2021-2022 camidna manera ta tradicional, Gobernado a hiba su discurso, cual manera ta conoci ta un mensahe prepara pa gobierno pa e ocasion aki.
Un mensahe cu lider di fraccion di AVP den Parlamento, Mike Eman, a considera un mensahe di gobierno cu ta hopi distancia for di e realidad penoso cu pueblo di Aruba ta bibando aden pa algun tempo caba.
“Si mira cu Gobernado a haci un presentacion di parti di gobierno cu a dura casi mey ora y e palabra probresa no a caym ni un solo bes, un situacion cu nos a encontra den casnan rond Aruba, den barionan.
Casnan cu mi persona a bishita caminda tin hendenan sin trabou, desempleado, necesidadnan grandi den nos comunidad, caminda mas di 30% di esunnan cu a wordo intrevista dor di Banco Central, a bisa cu pa pone man riba mes den nan cas, nan mester di asistencia di Cruz Cora entre otro.
Mas di 50% di esunnan cu a wordo entrevista, a bisa cu nan tin un inkietud grandi pa cu nan entrada pa e lunanan dilanti, pues un inkietud pa e situacion real social economico di nos pais cu ta wordo totalmente ignora dor di gobierno.
Ora cu mira tambe den henter e presentacion aki, ta papia di democracia y un di e eleccionnan cu a laga mas duda atras den historia di Aruba, ta e eleccion cu nos a caba di pasa aden.
Nunca antes tabatin den nos comunidad, tanto duda pa cu nos democracia, pa nos proceso electoral cu e eleccion cu a pasa,
El a cuminsa cu insistencia di gobierno pa digitalisa e proceso electoral cu a wordo rechasa dor di pueblo y finalmente no a sigui cune, despues e atentado riba nos democracia pa kita di partidonan politico e control na e urnaann electoral, kitandonan e derecho di tin e ‘kiesregister’ cu cual bo por controla e proceso electoral y tur esaki a culmina den un eleccion cu no a wordo controla.
Ora cu a bay busca e posibilidad di un reconteo, gobierno a scohe pa destrui e ‘stembiljetten’ cu pa ora partido AVP por a bay den e proceso di un apelacion, esaki a wordo haci imposibel pa motibo cu a destrui den oranan di anochi, den scuridad en todo caso, pa falta di transparencia, a destrui e stembiljetten.
Esaki naturalmente a laga un inkietud hopi hopi grandi atras y finalmente mester bisa cu den henter e presentacion aki, ningun momento a bin padilanti e hecho cu Aruba ta mara na un Landenpakket cu dentro di poco ta bay cuminsa e discusion riba e introduccion di un BTW di 12.5% ariba e BBO, ya cu e BBO lo no kita y lo tin tambe na mes momento cambionan di leynan laboral caminda ta habri posibilidad pa ‘hire and fire.’
Pues trahadonan por wordo kita sin mas for di trabou y tambe e posibilidad pa haci contractnan cortico, cu tur ta forma parti di e cambionan laboral cu lo wordo introduci dentro di poco.
Pues un inkietud hopi hopi grandi den nos comunidad, pobresa y inkietud pa cu democraci, inkietud pa cu institutonan y nunca antes nos a conoce un periodo caminda cu tanto duda tin si e institucionan di mas importante di nos pais, ta wordo influencia politicamente.
.
