Tempo ta otro, y no tin hopi actividad social cultural manera algun anja pasa. No tin hopi cos pa skirbi di nan. Ta un tempo pa cuida nos salud y nos famianan. Ta un tempo di diciplina y cooperacion. Ta un tempo pa carga pasenshi, un tempo pa busca Dios den su yiu Hesus. Ta un tempo di hopi tristeza pa varios famia y un tempo di inspiracion pa cosnan nobo pa otronan. Covid-19 no ta agradabel at all. Cuida mihor possibel. Cuida, usa bo remedinan y come saludabel, bebe hopi sopi galinja y “ginger-drink” cu lamoenchi y honing. Nan ta yuda. No tuma bo bida “for granted”, por nada, manera ta normal. Den un corto tempo nos a perde sernan stima cu nos conose bon. Mi amiga grandi di 92 anja, manera un Mama sin dolor ,”Estrellita Ruiz”. Dos dia despues Glenroy Tromp, conosi como “Pajol”, e casa di e yui muhe bunita di Estrellita “Marilin”, Glenroy tawata un amante ferviente di futbol, su partidonan favorito RCA na Aruba y Feijenoord na Hulanda. Despues Grace Maduro, e cara y curazon bunita y inspira di e hardinnan di mata di mas bunita “Fantastic Gardens” y despues tambe e simpatico y dinamico Melanie Thiel, e cara y curason bunita cu dedicacion di Unoca ta bay laga nos. Pa despues tende tambe cu un di nos bon bisinjanan, lieve Mayra Jacobs tambe a bay nos dilanti. Pa ora cu e relato aki sali, Dios sa, ken tur mas a laga nos .Nos ta sigui tuma e precioso regalo “BIDA”, dia pa dia, si, “One day at a time”. Ningun di nos sa nos dia, con y ora exacto di partida pa bay mas aya serca nos Creador di amor, y ta pesey biba na paz cu tur hende, hasi bon unda cu por, duna un man unda cu por, y sigui reza cu fe na Dios pa tene misericordia di nos tur. Bida ta manera riba bao cu tur cos bruha, ni maske tin hende cu ta kere den e cosnan malo como bon y e cosnan bon como malo. No biba la vida loca y ta ora un miembro di famia bira malo, nan ta realiza kizas cu Bida ta fragile y delicado si bo no cuida bo mes bon. Pa medio di e relato aki, nos mas sincero palabranan di condolencia, consuelo y hopi amor pa tur cu a perde un ser stima den e dianan aki. Cu Luz Eterno luza pa tur e sernan stima cu a bay nos dilanti. A peticion di mi amiga grandi Estrellita, cu dia ela hasi anja, a puntrami pa mi scirbi un bunita poesia pe dia e muri, mi ta incluyele den e relato, cu hopi amor .
ESTRELLITA RUIZ RIP Aug.2021
Mi bunita amiga grandi
Un di mi Mamanan sin dolor
Awor rondona pa Dios su luz y amor
Estrellita a sinja stima
Estrellita a sinja cose
Traha e bolonan di mas dushi
Biba den paz cu tur rond di dje
Trata tur cu respet, tur cu a conose
92 anja ela move y baila meyey di nos
92 anja ela comparti, duna y conseha
Estrellita, mi amiga, un pan di Dios
Awor di berdad den e luz eterno cu semper ta briya
Awor di berdad den e reino celestial
Un dushi hende muhe talentoso y bendiciona
Cu a biba su bida manera ela anhela
Un dushi hende, unico y special
Manera Estrellita Ruiz no tin dos igual
Drumi dushi den braza di Creador
Nos lo corda semper riba Estrellita su luz y su amor…
Awor Estrellita tambe ta mas serca di nos mente, alma y curason.
Danki pa tawata pa nos tur, un creacion yen di bendicion.
Danki pa nos amistad di 44 anja.
Drumi dushi lieve Estrellita, di bo yui sin dolor : Ruthy.
Danki pa lesa nos relato, despues di un pausa basta largo, ja cu no a sali hopi den e temponan un crenchi dificil y delicado aki. Cuida shonnan, cuida y gradici Dios tur dia pa salud y bida segun su boluntad na tera como na shelo. Love you too !
