Grenda Simmons Artesano : Artesanonan di Corsou ta haci apelacion na gobierno pa duna nan un oportunidad te cu december

E artesanonan na Corsou ta hendenan local y cu tin un edad halto caba. Nan preocupacion ta grandi mirando cu si nan muda unda nan lo mester bay para no tin suficiente luga. Sra. Glenda Simmons cu ta bende artesania na otrobanda ta un di nan cu tambe mester muda.
Segun e ciudadano ta splica gobierno kier manda nan caminda e barco Venezolanonan tabata, pero na momento cu mester investiga ta solamente 5 mesa bashi tin. Tambe tin un situacion na momento cu kier bay baño no tin. No sa te ainda cu ta canto di lama mester hisa paña y pishi of bay af, segun Sra. Glenda Simmons.
E situacion tin e artesanonan preocupa. Sinembargo di otro banda nan ta consciente tambe cu e situacion no ta esun di mas adecua pa nan. E mesanan no ta den un situacion bon , pero e dak ainda por wanta segun Sra. Glenda Simmons.
Un peticion cu e artesanonan kier haci na gobierno ta , pa Gobierno duna nan un oportunidad mirando cu awor e barconan a cuminsa bin bek unda cu ta high season y pa nan por haya e oportunidad te cu december.
Asina cu Januari drenta bin cu un plan y solucion mas concreto pa e renobacion di e plaza y tambe ta mas consciente di unda lo muda y si tin e luga suficiente tambe. Varios persona di Ministerio di desaroyo economico MEO di su departamento di inspeccion a bin na e sitio y na unda cu a duna di conoce cu dia prome di september e luganan mester ta bashi.
E personal di gobierno a dies bin un dia y avisa cu e artesanonan mester bandona e luga den un corto tempo, sin duna nan un oportunidad pa por realisa kico ta pasando. Esaki ta un situacion cu nan ta haya ta inhumano y inhusto.