Manager di Washington Park Albert Christiaan : Rond Boneiro cada cas mester tin nan propio hofi

Na Boneiro tin un situacion cu tin especienan invasivo den parke di slaagbaay y washington park. Manager di Washington Park Albert Christiaan ta duna di conoce cu e bestianan ta bon cuida. E animalnan aki a bin bek mirando cu tin hopi hende a bay biba den stad pa un miho trabao y e cabritonan a keda los.
Di e manera aki e cabrito nan a keda descuida y nan a drenta den mondi y bira brabo. E tempo aya parke no tabatin un cura cera y e cabritonan a drenta den e parke. di otro banda slaagbaay ta pega cu e area cu ta yama labra .
Den pasado labra tabata un cunucu di crio di bestia. Tambe den e parti aki e waya tabata deplorabel , pero cu awor ta tratando di cambia tur e wayanan. Sinembargo tanten cu e wayanan ta kibra e cabritonan ta drenta pero no ta solamente e cabritonan pero tambe cacho y porco.
Pa e motibo aki mes a dicidi di cuminsa cu un plan pa radica e especienan invasivo. A cuminsa cu e plan aki caba unda cu cada bes STINAPA ta actua. Tambe a instala un comision ta reuni un biaha pa luna unda cu den e reunionnan aki ta traha tur sorto di protocol cu e diferente metodonan cu ta keda uza pa asina saca e cabritonan for di e den e parke.
Tambe parke ta trahando pa reforestacion cu ta un plan integral di Openbare Lichaam Bonaire ( OLB) y ministerio di LNV y LLV cu rond di Boneiro cu na cada cas tur hende mester tin nan propio hofi unda cu ta planta.
Den parke Washington tambe ta planta, pero awor aki cu tin e situacion di cabritonan no por planta manera debe ser. Pesey mes a traha e plan unda cu a dicidi cu lo cuminsa drecha tur e trankeronan y esun mas esencial lo keda cla fin di september pero na e mes un momento lo cuminsa cu e radicacion di cabrito tambe.
Pa atende cu e buriconan a uza diferente metodo y a uza esun tradicional cu yama coremento, esaki ta un trampa grandi y ta bay cu diferente hende den parke nan ta cuia e cabritonan den e trampa y ora nan ta gara nan ta sacanan for di parke. Pa por logra e tipo di accionnan aki mester traha cu diferente team.