Chris Goedhard di DVG den conferencia di prensa ta duna di conoce cu e vacunaton ta tuma luga diadomingo 22 di augustus 2021. E dicidi di bin cu e vacunaton debi cu a tuma nota cu e demanda pa vacuna a subi. Mas y mas tin personanan cu pa un motibo of otro no a vacuna na prinsipio awor kier vacuna. Sinembargo na DVG tin un capacidad di mas of menos 400 persona cu por keda vacuna pa dia. Sinembargo tog por a tuma nota cu e demanda a subi y kier preveni vu e personanan mester warda pa un tempo largo pa nan por haya nan vacuna mirando e importancia cu a vacuna tin.
E vacunaton 3.0 ta tuma luga na Ritzs Carlton y ta specificamente pa tur esunnan cu no a ricibi nan prome vacuna ainda of sea nan ta wardando nan afspraak cu nan tin caba pa DVG , pero tambe pa personanan cu no tin afspraak ainda. Tambe tin un grupo di persona cu si a haya nan prome shot caba pero pa un of otro motibo no a haya nan di dos shot ainda tambe por yaga na Ritzs Carlton pa nan por haya nan di dos shot. E sistema ta cu e persona por dies yega y e lo keda atendi riba e dia aki. For di 9or di mainta ya caba por yega y lo keda habri non stop te cu 4 or di atardi.
Actualmente ta wak un grado di vacunacion di 63% di e poblacion di 18 aña bay ariba cu a haya nan prome shot y ta mira un averahe di mas of menos un 60 % di e poblacion cu lo haya tur dos shot. Segun Chris Goedhard di DVG esakino ta suficiente pa Aruba logra su metanan di 85% .
Principalmente den e gruponan di 12 pa 17 aña ta wak un grado di vacunacion di 33% cu ta basta abao. Na prome luga e vacunaton 3.0 ta pa tur persona di 12 aña bay ariba , pesey mes ta haci un apelacion na tur hoben y tambe e personanan adulto te cu 40 aña pa vacuna.
